گوگل نیوز پر ہمیں فالو کریںڈھاکا: بنگلہ دیش میں شادی کے گھر میں ماتم برپا ہوگیا، شادی کے بعد دلہن کو لے جانے والی بارات پر بجلی گر گئی، جس کے باعث 16افراد جان کی بازی ہار گئے، جبکہ دلہا شدید زخمی ہوگیا۔
بین الاقوامی میڈیا کے مطابق بنگلادیش شہر شب گنج میں باراتی کشتی میں سوار ہو کر دوسرے گاؤں کے رواں دواں تھے کہ تیز بارش کے باعث کشتی اتر سے کر دریا کنارے کھڑے ہوگئے۔ اسی دوران آسمانی بجلی باراتیوں پر گرگئی۔
اس افسوس ناک واقعے میں 16افراد اپنی زندگی سے ہاتھ دھو بیٹھے، جبکہ دلہا کی حالت بھی تشویش ناک ہے، زخمیوں کو قریبی اسپتال منتقل کردیا گیا ہے جہاں دلہا کی حالت نازک بتائی جارہی ہے۔ حادثے کے باعث شادی کے گھر میں صف ماتم بچھ گئی اور دلہن خبر سنتے ہی بے ہوش ہوگئی۔
واضح رہے کہ بنگلادیش میں مون سون بارشوں کا سلسلہ جاری ہے اور گزشتہ ہفتے کاکس بازار کے علاقے میں بارشوں اور سیلاب کی وجہ سے 6 روہنگیا پناہ گزین سمیت 20 افراد ہلاک اور درجنوں خاندان بے گھر ہوگئے تھے۔
مزید پڑھیں: کابل، قائم مقام وزیرِ دفاع کے گیسٹ ہاؤس کے قریب کار بم دھماکہ، 10افرادزخمی
