گوگل نیوز پر ہمیں فالو کریںآسٹریلیا میں ایک کیفے نے دنیا کی توجہ حاصل کرلی ہے۔
اس کیفے نے مقامی ہی نہیں بلکہ عالمی سطح پربھی تجسس کو بڑھا دیا ہے۔ غیر ملکی میڈیا آؤٹ لیٹس نے رپورٹ کیا ہے کہ آسٹریلیا میں ایک کیفے کی طرف سے عجیب و غریب قسم کی کافی پیش کی جارہی ہے ۔ اس کافی کے ایک کپ کی قیمت 1500 ڈالر تک ہے۔
کافی کی قیمت اس قدر زیادہ کیوں ہے؟ اس سوال کے جواب میں کافی شاپ کی انتظامیہ نے بتایا کہ ایک کپ بنانے میں جن دشواریوں سے گزرا جاتا ہے قیمت اس کی لی جاتی ہے۔ اس کافی کو بنانے کے لیے گاہک کو دو ہفتے قبل پیشگی درخواست کرنا ہوگی جس کے بعد کافی مالکان اس کافی کی پھلیاں پاناما سے آسٹریلیا لے جا سکتےہیں۔
برطانوی اخبار “ڈیلی میل” کی رپورٹ کے مطابق کافی کی پھلیاں سطح سمندر سے 1700 میٹر کی بلندی پر پا ناما اور کوسٹا ریکا کی سرحدوں کے قریب سیلا ڈی پانڈو میں آتش فشاں کے کنارے اگائی جاتی اور لائی جاتی ہیں۔
کیفے کے مالک کا کہنا ہے کہ کافی کا ذائقہ بے مثال ہے اور اس نے ذائقہ کی درجہ بندی میں اسپیشلائزڈ کافی کی ایسوسی ایشن کی جانب سے 90 سے زیادہ سکور حاصل کیے ہیں۔ یہ رینکنگ اسے دنیا کی اعلیٰ ترین درجہ بندیوں میں شامل کرتی ہے۔ یہ غیر معمولی کافی اپنی اعلی قیمت کے باعث لوگوں کو رُلا دیتی ہے۔ کافی کو کپ میں دستی طور پر ڈالا جاتا ہے۔ اس کے بعد گرم پانی آہستہ آہستہ اور مرحلہ وار کپ میں انڈیلا جاتا ہے۔ کافی شاپ کے ریکارڈ کے مطابق اب تک صرف دو صارفین نے اس کافی کا آرڈر دیا ہے۔ کیا آپ تیسرے ہوں گے؟
