گورنر سندھ سے وزیراعظم کے مشیر برائے احتساب و داخلہ بریگیڈیئر محمد صادق کی ملاقات

کراچی: گورنر سندھ عمران اسماعیل سے آج وزیراعظم کے مشیر برائے احتساب وداخلہ بریگیڈیئر(ر) محمد صادق نے ملاقات کی۔

تفصیلات کے مطابق ملاقات میں موجودہ سیاسی صورتحال اور کرپشن کے خاتمے کیلیئے حکومتی اقدامات سمیت باہمی دلچسپی کے امور پر تبادلہ خیال کیا گیا۔

گورنر سندھ نے بریگیڈیئر محمد مصدق عباسی سے بات چیت کرتے ہوئے کہا کہ معاشی چیلنجز اور مہنگائی سے نمٹنے کے لیے پاکستان کو کرپشن اور بدعنوانی سے نجات دلانا انتہائی اہمیت کا حامل ہے، حکومت بدعنوانی کے حوالہ سے زیرو ٹالرنس رکھتی ہے۔

انہوں نے مزید کہا کہ کرپشن معاشرے میں جرائم، بے روزگاری، غربت اور معاشی عدم توازن کا باعث بنتی ہے۔

یہ بھی پڑھیں:

ہم نے کبھی ایکسپورٹ پر توجہ نہیں دی،ایکسپورٹ بڑھائے بغیر ملک کیسے ترقی کرے گا؟ عمران خان

مزید برآں وزیراعظم کے مشیر برائے احتساب و داخلہ بریگیڈیئر محمد مصدق عباسی نے گورنر سندھ سے بات چیت کرتے ہوئے کہا کہ ماضی کی حکومتوں کی کرپشن نے ملک کو موجودہ مشکلات میں دھکیل دیا ہے، حکومت بدعنوانی کے مکمل خاتمے تک اپنی کوششیں جاری رکھے گی۔