گوگل نیوز پر ہمیں فالو کریںکراچی: پاکستان کسٹمز ائیرپورٹ کلکٹریٹ کی چیکنگ کے دوران برطانیہ بھیجے جانے والے ایک پارسل سے 1 کروڑ 90 لاکھ روپے کی ہیروئن برآمد ہوئی ہے۔
تفصیلات کے مطابق پاکستان کسٹمز ائیرپورٹ کلکٹریٹ کے انٹرنیشنل میل آفس(آئی ایم او) ایکسپورٹ کراچی آفس پر تعینات ڈرگ انفورسمنٹ سیل کے عملے نے چیکنگ کے دوران پشاور سے برمنگھم بھیجے جانے والے بے بی گارمنٹ کے پارسل کو شک کی بنیاد پر کھول کرچیک کیا۔
کسٹمز کی چیکنگ کے دوران برطانیہ بھیجی جانے والی جیکٹس میں خفیہ طریقے سے چھپائی گئی 1 کلو 980گرام ہیروئن برآمد ہوئی جسے کسٹم حکام نے تحویل میں لے کر پارسل بک کرانے والے پشاور کے رہائشی ملزم کے خلاف مقدمہ درج کر لیا۔برآمد کی گئی ہیروئن کی مالیت 1 کروڑ 90لاکھ روپے بنتی ہے۔
ملزم کی گرفتاری کیلئے کلکٹر کسٹمز ائیرپورٹ عرفان الرحمان نے ایڈیشنل کلکٹر جے آئی اے پی فرح فاروق کی زیرِ نگرانی ڈپٹی کلکٹر کسٹمز انعام اللہ کی سربراہی میں خصوصی ٹیم تشکیل دے دی ہے۔ کسٹم حکام کا کہنا ہے کہ ملزم کے خلاف نارکوٹکس ایکٹ کے تحت کارروائی کی جائے گی۔
یہ بھی پڑھیں: گلشن کنیز فاطمہ گلزار ہجری میں کم عمر لڑکی پر تشدد کا معمہ حل ہوگیا
