گوگل نیوز پر ہمیں فالو کریںلاہور: قومی ٹیم کے سابق کپتان اور کرکٹ کمنٹیٹر وسیم اکرم نے نیوزی لینڈ کرکٹ ٹیم کا دورۂ پاکستان منسوخ ہونے پر ردِ عمل دیتے ہوئے کہا ہے کہ پاکستان کرکٹ کھیلنے کیلئے دنیا کے محفوظ ترین ممالک میں سے ایک ہے۔
سماجی رابطے کی ویب سائٹ ٹوئٹر پر اپنے پیغام میں سوئنگ کے سلطان وسیم اکرم نے کہا کہ مجھے نیوزی لینڈ کرکٹ بورڈ کی دورہ منسوخ کرنے کی خبر نے سخت مایوس کیا جبکہ پاکستان عالمی معیار کی سیکیورٹی فراہم کررہا ہے۔
پیغام میں قومی کرکٹ ٹیم کے سابق کپتان وسیم اکرم نے کہا کہ پاکستان نے ثابت کیا کہ ہمارے سیکیورٹی اقدامات عالمی سطح پر کھیل کے مقابلوں کیلئے بہترین معیار رکھتے ہیں جس سے پاکستان کرکٹ کیلئے دنیا کے محفوظ ترین ممالک میں شامل ہوگیا۔
قومی ٹیم کے سابق کپتان نے نیوزی لینڈ کرکٹ ٹیم کی جانب سے ون ڈے سیریز منسوخی کے فیصلے پر شدید افسوس کا اظہار کرتے ہوئے کہا کہ میں سمجھتا ہوں کہ ہم اس واقعے کے پیچھے کی مکمل کہانی نہیں سن پا رہے۔
Extremely disappointed in NZ choice to abandon the #PAKvNZ tour. Pakistan has proven that our security measures for international games is of the highest order, making Pakistan one of the safest places in the world to play cricket today. I feel we are not hearing the whole story
— Wasim Akram (@wasimakramlive) September 17, 2021
خیال رہے کہ سیکورٹی خدشات کے باعث نیوزی لینڈ کرکٹ بورڈ نے پی سی بی کو آگاہ کیا کہ انہیں سیکورٹی کے حوالے سے الرٹ موصول ہوا، اس لئے یکطرفہ طور پر سیریز ملتوی کرنے کا فیصلہ کیا گیا۔
دوسری جانب پاکستان کرکٹ بورڈ کا گزشتہ روز کہنا تھا کہ پاکستان نے مہمان ٹیم کی سیکورٹی کے لیے فول پروف انتظامات کیے تھے،ہم نے نیوزی کرکٹ بورڈ کو بھی یہی یقین دہانی کرائی تھی۔
مزید پڑھیں: سیکورٹی خدشات، نیوزی لینڈ ٹیم نے دورہ پاکستان ختم کردیا
