کھیل تو اب شروع ہواہے اور آپ پہلے ہی ہار چکے ہیں،مریم نواز

لاہور: پاکستان مسلم لیگ (ن) کی مزکری نائب صدر مریم نواز نے وزیراعظم عمران خان کے میلسی میں کئے گئے خطاب پر اپنا رد عمل دیتے ہوئے کہا ہے کہ کھیل تو اب شروع ہواہے اور آپ پہلے ہی ہار چکے ہیں۔

پاکستان مسلم لیگ ن کی نائب صدر نے سماجی رابطے کی ویب سائٹ پر ٹوئٹ کرتے ہوئے وزیراعظم کو مخاطب کرتے ہوئے کہا کہ اقتدار ہاتھ سے جاتا دیکھ کرانسان کس طرح ذہنی توازن کھوبیٹھتا ہے، اسے اخلاقی اقدار نہ دشمنی کاظرف ہوتاہے، نہ اپنے عہدے کی عزت کاکوئی پاس۔

اقتدار ہاتھ سے جاتا دیکھ کر انسان کس طرح ذہنی توازن کھو بیٹھتا ہے۔ اسکو نہ اخلاقی اقدار نہ دشمنی کا ظرف ہوتا ہے نہ اپنی عہدے کی عزت کا کوئی پاس ہوتا ہے۔پہلے اس نے سب کو گالیاں دیں اور پھر کہا ریاست مدینہ کہ بنیاد اخلاقیات تھی۔اللّہ پاکستان کو آپ کے شر سے محفوظ رکھے @ImranKhanPTI

— Maryam Nawaz Sharif (@MaryamNSharif) March 6, 2022

مریم نواز نے مزید کہا کہ کھیل تو اب شروع ہواہے اور آپ پہلے ہی ہار چکے ہیں، آپ کچھ کھلاڑیوں والا جذبہ دکھائیں،مریم کا کہناتھاکہ عمران خان آپ کے ہوش کیوں اڑے جارہے ہیں؟ ہسٹیریائی اندازمیں بول رہے ہیں۔

ن لیگ کی نائب نے کہا کہ پہلے سب کو گالیاں دیں پھرکہاکہ ریاست مدینہ کی بنیاد اخلاقیات تھی۔

مزید پڑھیں: نواز شریف کا باہرپڑا پیسہ لے آیا تو پیٹرول اور ڈیزل کی قیمت آدھی کردوں گا، وزیر اعظم

واضح رہے کہ وزیراعظم عمران خان نے میلسی میں عوامی جلسے سے خطاب کرتے ہوئے مسلم لیگ ن کے قائد میاں محمد نواز شریف کو شدید تنقید کا نشانہ بنایا تھا، ان کے علاوہ دیگر اپوزیشن رہنماؤں پر بھی تنقید کی تھی۔