گوگل نیوز پر ہمیں فالو کریںکراچی میں لوٹ مار کی وارداتوں میں ملوث انتہائی مطلوب رکشہ گینگ کا سرغنہ اپنے دوساتھیوں سمیت گرفتار ہوگیا۔ پولیس کا کہنا ہے کہ گرفتار کیے گئے 3 ڈکیتوں سے ان کے جرائم پر تفتیش کی جائے گی۔
تفصیلات کے مطابق پولیس نے کراچی کے علاقے ڈیفنس سے رکشہ گینگ کے 3 ملزمان کو گرفتار کیا جن میں سرغنہ بھی شامل ہے تاہم 3 ملزمان جائے وقوعہ سے فرار ہو گئے جن کی گرفتاری کیلئے چھاپہ مار کارروائی جاری ہے۔
رکشہ گینگ کے گرفتار سرغنہ اور دیگر ملزمان کے قبضے سے اسلحہ برآمد کر لیا گیا۔ اے ایس پی رانا دلاور کا کہنا ہے کہ ملزمان کے قبضے سے رکشہ بھی برآمد ہوا۔ ملزمان نے کراچی میں لوٹ مار کی متعدد وارداتیں کیں جن پر مقدمات درج ہیں۔
پولیس کا کہنا ہے کہ رکشہ گینگ کے ملزمان کے خلاف پنجاب میں بھی مقدمات درج ہیں۔ ملزمان رکشہ بھی چھین کر لوٹ مار کرتے تھے۔ دیگر ملزمان کی تلاش جاری ہے جنہیں حراست میں لے کر شہریوں کا قیمتی سازوسامان برآمد کریں گے۔
