الیکشن کمیشن نے تحریک انصاف کا دستخط شدہ جواب الجواب قبول کر لیا

اسلام آباد: الیکشن کمیشن آف پاکستان نے پیر کو پنجاب کے منحرف ارکان کے خلاف دائر ریفرنس میں پاکستان تحریک انصاف (پی ٹی آئی) کا جواب قبول کرلیا۔

چیف الیکشن کمشنر سکندر سلطان راجہ کی سربراہی میں تین رکنی بنچ نے پنجاب اسمبلی میں پی ٹی آئی کے 25 منحرف ارکان کے خلاف ریفرنسز کی سماعت کی اور پی ٹی آئی نے دستخط شدہ جواب جمع کرادیا۔

منحرف ارکان کے وکیل شہزاد شوکت نے کہا کہ دستخط شدہ اور بغیر دستخط شدہ جواب الجواب مختلف ہے، نیا جواب الجواب مسترد کیا جائے۔

تحریک انصاف کے وکیل فیصل چوہدری نے کہا کہ یہ ٹیکنیکل خامی کے پیچھے چھپنے کی کوشش کر رہے ہیں، الیکشن کمیشن نے تحریک انصاف کا جمع کرایا گیا جواب الجواب قبول کرلیا۔

ممبرسندھ ناصردرانی نے استفسار کیا کہ کیا پارلیمانی پارٹی کا لیڈر بھی پالیسی جاری کرسکتا ہے، دلائل دیتے ہوئے منحرف ارکان کے وکیل سلمان اکرم راجہ نے کہا کہ آرٹیکل 63 اے کے تحت پارلیمانی پارٹی ارکان کو ہدایات جاری کرتی ہے۔

عمران خان بیان حلفی دینے سے ہچکچا کیوں رہے ہیں، انہیں پتا ہے کہ جھوٹے بیان حلفی پر کارروائی ہوسکتی ہے، الیکشن کمیشن نے سماعت کل دن 12 بجے تک ملتوی کردی۔

مزید پڑھیں:چینی باشندوں کی سیکیورٹی میں اضافہ کریں گے: وزیراعظم کی چینی ہم منصب کو یقین دہانی

وکیل نے کہا کہ پارٹی چیئرمین ہدایات جاری نہیں کرسکتا، عمران خان نے پی ٹی آئی ارکان پنجاب اسمبلی کو چار اپریل کو خط کے ذریعے پرویزالٰہی کو ووٹ دینے کی ہدایت دی، آج جو جواب الجواب جمع کروایا گیا،اس میں بیان حلفی عمران خان کا نہیں سبطین خان کا ہے۔