گوگل نیوز پر ہمیں فالو کریںنیوزی لینڈ نے کراچی میں کھیلے گئے تین ون ڈے میچوں پر مشتمل سیریز کے تیسرے اور فائنل میچ میں پاکستان کو دو وکٹوں سے شکست دے کر سیریز دو ایک سے اپنے نام کرلی۔
پاکستان نے ڈے اینڈ نائٹ میچ میں ٹاس جیت کر پہلے بیٹنگ کی اور فخر زمان کی سنچری اور محمد رضوان کی ففٹی کی بدولت نیوزی لینڈ کو جیتنے کیلئے 281 رنز کا ہدف دیا، جسے نیوزی لینڈ کی ٹیم نے 8 وکٹوں کے نقصان پر 49 ویں اوور میں پورا کیا۔
یہ بھی پڑھیں:
کیریئر کے بدترین دنوں میں اہلیہ سے اچھا برتاؤ نہیں کیا، کوہلی کا اعتراف
نیوزی لینڈ کی جانب سے گلین فلپس 4 چھکوں اور 4 چوکوں کی مدد سے 42 گیندوں پر 63 رنز بنا کر نمایاں رہے۔
کپتان کین ولیمسن 53 اور ڈیوون کانوے 52 رنز بنا کر آؤٹ ہوئے۔ ڈیرل مچل 31 رنز بنا کر پویلین لوٹے۔
پاکستان کی جانب سے سلمان آغا نے 2 جبکہ محمد نواز، محمد وسیم اور اسامہ میر نے 1،1 وکٹ حاصل کی۔
اس سے قبل ٹاس جیت کر پہلے بیٹنگ کرتے ہوئے پاکستان نے مقررہ 50 اوورز میں 9 وکٹوں کے نقصان پر 280 رنز بنائے.
ابتداء میں پاکستان کے بلے بازوں کی کارکردگی مایوس کن رہی۔ اوپنر شان مسعود صفر جبکہ کپتان بابراعظم 4 رنزبناکر پویلین لوٹ گئے، 21 کے مجموعی اسکور پر دو وکٹیں گرنے کے بعد فخز زمان اور محمد رضوان نے 153 رنز کی پارنٹرشپ قائم کی تاہم رضوان 77 رنز بناکر وکٹ گنوا بیٹھے، فخرزمان 101 رنز بنا کر رن آؤٹ ہوئے جبکہ حارث سہیل بھی 22 رنز بنا کر رن آؤٹ ہوگئے۔
آغا سلمان نے 45 رنز کی اہم اننگ کھیلی تاہم وہ نصف سینچری مکمل نہ کرسکے اور گیند کو باؤنڈری سے باہر پھینکنے کی کوشش میں کیچ آؤٹ ہوگئے۔
نیوزی لینڈ کی جانب سے ساوتھی نے 3، لوکی فرگوسن نے 2 جب کہ مچل بریسویل اور ایش سودھی نے ایک ایک وکٹ حاصل کی۔ فخر زمان اور حارث سہیل رن آؤٹ ہوئے۔
