گوگل نیوز پر ہمیں فالو کریںکراچی :سینئر سیاستدان اور معروف تاجر رہنماء زاہد اعوان نے کہا ہے کہ ملک میں ٹڈی دل کے حملوں سے کاشتکار شدید پریشان ہیں، ٹڈی دل کا فوری تدارک نہ کیا گیا تو کاشتکار فصلیں خراب ہونے پر معاشی طور پرتباہ ہوجائینگے۔
ٹڈی دل اور کورونا وائرس کے حوالے سے تاجروں کے اجلاس سے خطاب کرتے ہوئے زاہد اعوان نے کہا کہ ٹڈی دل کے حملوں سے سندھ اور پنجاب میں کھڑی فصلیں اجڑ گئی ہیں اور سال بھر محنت سے فصلیں تیارکرنے والے کاشتکار پہلے کورونا وائرس اور اب ٹڈی دل کے حملوں کی وجہ سے بری طرح متاثر ہوئے ہیں۔
حکمرانوں کی ناقص پالیسیوں اور غیر سنجیدگی کی وجہ سے ٹڈی دل کا مسئلہ بگڑتا جارہا ہے۔
حکومت کی عدم دلچسپی کی وجہ سے سندھ اور پنجاب میں کھڑی فصلیں تباہ ہونے کی وجہ سے معیشت کو اربوں روپے کا نقصان ہوگا۔
انہوں نے کہا کہ حکومت نے تاجروں اور کاشتکاروں کو کورونا وائرس اور ٹڈی دل کے رحم و کرم پر چھوڑ دیا ہے۔
مزید پڑھیں:خانیوال میں ذخیرہ اندوزوں کے خلاف آپریشن، گندم کی 1500 بوریاں برآمد
