گوگل نیوز پر ہمیں فالو کریںاسلام آباد : وفاقی وزیر منصوبہ بندی اسد عمر نے کہا ہے کہ ترقی کا فلسفہ ہے بڑا سوچو، چھوٹے سے شروع کرو اور پھر اس کو بڑھا دو،ملکی معیشت میں سب سے زیادہ چھوٹے اور درمیانے درجے کے کاروبار روزگار کے مواقع پیدا کرتے ہیں۔
نوجوان ہمارا بڑا ترقیاتی اثاثہ ہیں سیاسی جد وجہد کا مقصد ہی نوجوانوں کی ترقی ہے،فیصلہ سازی میں طلباء تنظیموں کی رائے اور مشاورت ہونی چاہیے۔
قائد اعظم یونیورسٹی میں کامیاب جوان سٹارٹ اپ پاکستان پروگرام سے خطاب کرتے ہوئے وزیر منصوبہ بندی اسد عمر نے کہا ہے کہ ترقی کا فلسفہ ہے کہ بڑا سوچو، چھوٹے سے شروع کرو اور پھر اس کو بڑھا دو۔
انہوں نے کہا کہ معیشت میں سب سے زیادہ چھوٹے اور درمیانے درجے کے کاروبار روزگار پیدا کرتے ہیں۔انہوں نے کہا کہ جوان سٹار ٹ اپ پروگرام کو شروع کرنے کا مقصد وزیراعظم عمران خان کا نوجوانوں کوبا اختیار بنانا ہے۔
انہوں نے کہا کہ پاکستان کا ایک ایڈوانٹج ہے کہ ملک میں نوجوان نسل ایک بڑی تعداد میں موجود ہے۔ انہوں نے نوجوان نسل کو اثاثہ قرار دیتے ہوئے کہا کہ نوجوان نسل کو مضبوط ہاتھ دینا حکومت کی ذمہ داری ہے۔
انہوں نے کہاکہ نوجوان نسل سے بہتر ان کے مسائل کوئی اور نہیں بتا سکتا ہے۔ انہوں نے کہا کہ وہ لوگ جو اس کام میں مہارت رکھتے ہیں ان کے ساتھ اس پروگرام کے ڈیزائن میں نوجوانوں کو شامل کرنا ہے۔ انہوں نے کہاکہ طلبہ یونینز پر پابندیاں عائد کرنے سے تشدد ختم نہیں ہوا۔
مزید پڑھیں: وفاقی حکومت کاکامیاب جوان پروگرام کا دوسرا مرحلہ آئندہ ماہ شروع کرنے کا اعلان
