گوگل نیوز پر ہمیں فالو کریںلاڑکانہ کے صدیق بازار میں ایک افسوسناک واقعہ پیش آیا جہاں ایک نوجوان بلڈنگ کی دوسری منزل سے گر کر جاں بحق ہوگیا۔
سی سی ٹی وی فوٹیج میں دیکھا جا سکتا ہے کہ فرید آباد کارہائشی اعظم نامی نوجوان بلڈنگ کی دوسری منزل سے نیچے گرتے ہوئے نظر آ رہا ہے۔
نوجوان کو فوری طور پر اسپتال منتقل کیا گیا لیکن ڈاکٹروں نے اس کی موت کی تصدیق کر دی۔
قبل ازیں اتوار کے روز ایک اور افسوسناک واقعے میں کیمپ جیل کی چھت سے گرنے کے باعث ایک کانسٹیبل غلام عباس جاں بحق ہوگیا تھا۔
یہ واقعہ رات کے وقت پیش آیا۔ جیل انتظامیہ نے اس موت کی وجوہات جاننے کے لیے تحقیقات شروع کر دی ہیں۔
ذرائع کے مطابق غلام عباس اپنی ڈیوٹی کے دوران جیل کی چھت پر موجود تھا جب وہ توازن کھو بیٹھا اور نیچے گر گیا۔
سسرالیوں نے ظلم کی حد کردی، داماد کو گھر بلاکر پٹرول چھڑک کر آگ لگا دی
کانسٹیبل کے سر اور گردن پر شدید چوٹیں آئیں، جس کے نتیجے میں وہ موقع پر ہی جاں بحق ہوگیا۔ لاش کو مردہ خانے منتقل کر دیا گیا تھا۔
