گوگل نیوز پر ہمیں فالو کریںکراچی کے علاقے سرجانی ٹاؤن میں ڈاکوؤں نے ڈکیتی مزاحمت پر فائرنگ کی جس کے نتیجے میں نوجوان بیٹا جاں بحق جبکہ باپ زخمی ہوگیا۔
تفصیلات کے مطابق فائرنگ کا یہ افسوسناک واقعہ سرجانی ٹاؤن پاور ہاؤس کے قریب پیش آیا جہاں ڈاکوؤں نے ڈکیتی کی واردات کی، اس دوران مزاحمت پر ملزمان نے بیٹے کو قتل جبکہ باپ کو زخمی کردیا اور ڈکیتی کے بعد فرار ہوگئے۔
[visual-link-preview encoded=”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″]
جواں سال فیض محمد فائرنگ کے نتیجے میں شدید زخمی ہونے پر شہید ہسپتال لایا گیا جو دورانِ علاج جاں بحق ہوگیا جس کی عمر 20 سال تھی۔ زخمی والد کی شناخت فتح محمد کے نام سے ہوئی ہے۔ پولیس کے مطابق مقتول فیض محمد کے سر پر 3گولیاں لگی تھیں۔
فیض محمد کی میت جناح ہسپتال سے سرد خانے منتقل کردی گئی۔ مقتول فرسٹ ائیر کا طالبِ علم تھا جو والد کے ہمراہ موٹر سائیکل پر جا رہا تھا جب ملزمان نے دونوں پر فائرنگ کی۔اہلِ خانہ نے مقتول کا پوسٹ مارٹم کرانے سے انکار کردیا ہے۔
خیال رہے کہ اس سے قبل ڈکیتی مزاحمت پر فائرنگ کا ایک اور واقعہ گزشتہ برس کراچی کے علاقے جوہر موڑ کے قریب پیش آیا جس کے دوران ایک نوجوان شہری جاں بحق ہوگیا۔23 سالہ سعد کی 2 ماہ بعد شادی ہونے والی تھی۔
