سوات میں بدترین سیلاب، ایک ہی خاندان کے 14 گھر بے رحم موجوں کی نذر ہو گئے

سوات: خیبرپختونخوا کے شہر چارسدہ میں دریائے سوات کےکنارے آباد ایک ہی خاندان کے 14 گھر سیلاب کی بے رحم موجوں کی نذر ہو گئے۔

پاکستان میں سیلاب کی تباہ کاریاں جاری ہیں اور اسی تباہی میں دریائے سوات کا ایک خاندان بھی بری طرح سے متاثر ہوا ہے۔

خیبرپختونخواکے شہرچارسدہ میں دریائے سوات کے کنارے آباد ایک ہی خاندان کے 14 گھروں کو سیلاب اپنے ساتھ بہا لے گیا، جہاں مکانات تھے اب وہاں دریا بہہ رہا ہے۔

یہ بھی پڑھیں:

عمران خان کے اسکواڈ میں شامل گاڑی میں اچانک آگ لگ گئی

اس کے علاوہ سیلاب میں منڈا ہیڈ ورکس پل بہہ گیا جبکہ ضلع مہمند کے لوگ دریائے سوات میں کشتیوں پر خطرناک سفر کرنے پر مجبور ہیں۔

دوسری جانب نوشہرہ کے علاقے ملک آباد میں سیلابی ریلہ تو گزر گیا لیکن علاقے میں سیلابی پانی جمع ہونے سے علاقہ مکینوں خصوصاً خواتین کو شدید پریشانی کا سامناہے۔