این آر او نہیں دوں گا، جلسے کے ذریعے مجھے بلیک میل کرنے کی کوشش کی گئی، وزیر اعظم

اسلام آباد: پی ڈی ایم اتحاد کے جلسے کے رد عمل میں وزیر اعظم عمران خان نے اپنا رد عمل دیتے ہوئے کہا کہ یہ جو بھی حربہ اپنائیں، این آر او نہیں دوں گا۔

سماجی رابطے کی ویب سائٹ ٹوئٹر پر ٹوئٹ کرتے ہوئے وزیر اعظم عمران خان نے کہا کہ پی ڈی ایم نے جلسہ کرکے لوگوں کی زندگیوں کو خطرہ میں ڈالا اور جلسے کے ذریعے مجھے بلیک میل کرنے کی کوشش کی۔

Pathetic. PDM spent so much money, time, effort & displayed utter callousness by endangering ppl's lives during COVID19 spike – showing the scant regard they have for citizens' safety & well-being. All this just to blackmail me into giving them an NRO to save their looted wealth.

— Imran Khan (@ImranKhanPTI) December 13, 2020

وزیر اعظم عمران خان کا کہنا تھا کہ پی ڈی ایم مجھے بلیک میل کرکے لوٹی رقم بچانا چاہتے ہیں، بے تحاشہ رقم جمع کرکے کورونا کے دنوں میں لوگوں کی زندگیوں اور صحت کا خیال نہیں رکھا گیا۔انہیں لوگوں کی پرواہ نہیں۔

وزیر اعظم عمران نے کہا کہ میں ایک بار پھر اعادہ کرتا ہوں ان کو این آر او نہیں دوں گا، مستقبل میں بلیک میلنگ کا جو بھی حربہ پی ڈی ایم اپنائے این آر او نہیں دوں گا۔پی ڈی ایم کیلئے پیغام بالکل دو ٹوک اور واضح ہے، لوٹ مار کرنے والے جو بھی حربہ اپنائیں میری حکومت این آر او نہیں دے گی۔

واضح رہے کہ اپوزیشن اتحاد پاکستان ڈیمو کریٹک موومنٹ (پی ڈی ایم) کی جانب سے لاہور میں مینار پاکستان کے گراؤنڈ میں اپنی بھرپور عوامی طاقت کا مظاہرہ کیا گیا۔