گوگل نیوز پر ہمیں فالو کریںپہلگام واقعے کے بعد بھارت اپنے ہی اس فالس فلیگ آپریشن کو لے کر جس طرح پاکستان کے خلاف مسلسل دھمکی آمیز اور جارحانہ اقدامات کرنےپر تلا ہے، اس سے لگ رہا ہے کہ وہ پاکستان کے خلاف کوئی حماقت آمیز کارروائی کرسکتا ہے۔
ایسے میں بڑا سوال ہر ایک کے ذہن میں موجود ہے کہ اس صورت حال میں چین کا رد عمل کیا ہوگا؟ کیا بھارت کی جانب سے کسی حملے کی صورت میں چین بھی پاکستان کی حمایت میں میدان میں آئے گا یا وہ خاموش رہے گا، اس سوال کا جواب سامنے آگیا ہے۔
معروف چینی تجزیہ کار اور ماہر عالمی امور وکٹر گاؤ نے بھارتی میڈیا کو انٹرویو دیتے ہوئے دوٹوک انداز میں کہا کہ اگر پاکستان پر حملہ ہوا تو چین پاکستان کے ساتھ کھڑا ہوگا۔
وکٹر گاؤ نے واضح کیا ہے کہ اگر کوئی بھی ملک پاکستان پر حملہ کرے گا تو چین پاکستان کے دفاع کے لیے ساتھ کھڑا ہوگا، چین پاکستان کو کبھی تنہا نہیں چھوڑے گا۔
انہوں نے مزید کہا کہ جب پاکستان میں چینی باشندوں پر حملے ہوئے تب بھی چین نے جامع تحقیقات کا مطالبہ کیا اور پہلگام حملے میں بھی چین کا یہی مؤقف ہے۔
