ماریہ واسطی نے آج تک شادی کیوں نہیں کی؟ وجوہات جانیے

پاکستانی شوبز انڈسٹری کی منجھی ہوئی اداکارہ ماریہ واسطی نے  شادی نہ کرنے سے متعلق اپنے خیالات مداحوں کے سامنے رکھتے ہوئے کہا ہے کہ میں کامیاب اس لیے ہوں کیونکہ ابھی تک شادی شدہ نہیں۔

تفصیلات کے مطابق شادی کے متعلق گفتگو کرتے ہوئے اداکارہ ماریہ واسطی نے اپنے حالیہ بیان میں کہا کہ میں نے تاحال شادی نہیں کی، اس لیے کامیاب ہوں۔ شادی کسی کی پوری زندگی نہیں ہوا کرتی بلکہ یہ زندگی کا ایک حصہ سمجھا جاسکتا ہے۔

یہ بھی پڑھیں:

بلی ایلش نے اپنی زندگی کےاہم راز سے پردہ اٹھادیا

بیان میں اداکارہ ماریہ واسطی نے مزید کہا کہ جب وقت آئے گا، شادی کر لوں گی۔ فی الحال اپنے لیے کسی شریکِ حیات کی تلاش میں نہیں ہوں۔ جب اس بندھن میں بندھنے کا درست وقت آئے گا، تو ایسا ہوجائے گا۔ انہوں نے محبت کے متعلق بھی کھل کر بات چیت کی۔

اداکارہ ماریہ واسطی نے کہا کہ جسے میں پسند کرتی تھی، اس نے مجھے اور جو مجھ سے محبت کرتا تھا، اسے میں نے مسترد کردیا اور یہی میری زندگی کی کہانی ہے۔ واضح رہے کہ ماریہ واسطی کو مختلف ڈراموں میں ماں کے کردار دئیے جانے لگے ہیں۔

دوسری جانب ماریہ واسطی کے مداحوں کا کہنا ہے کہ معروف اداکارہ جس دوسری اداکارہ کی ماں دکھائی جاتی ہیں، خود اس سے زیادہ خوبصورت لگتی ہیں تاہم انہوں نے ایسے کرداروں سے انکار نہیں کیا۔

ماضی میں دئیے گئے اپنے ایک انٹرویو کے دوران اداکارہ ماریہ واسطی کا کہنا تھا کہ نئے پاکستانی ڈراموں کو آج کے پاکستان کا عکاس ہونا چاہئے۔ منشیات اور ایڈز کے موضوعات بہت حساس ہیں۔ ڈراموں کا معیار اداکاروں اور ڈرامہ نگاروں کی کمی کے باعث گرا۔