گوگل نیوز پر ہمیں فالو کریںپاکستانی بلاگر اور فری لانسر تنویر نانڈلا کا دعویٰ ہے کہ انہیں سیاسی انتقام کا نشانہ بنایا جارہا ہے اور اسی سلسلے میں اُن کے خاندان پر حملے بھی کیے جارہے ہیں۔
تنویر نانڈلا نے سوشل میڈیا پر اپنے خلاف ہونے والے مظالم کے لیے انصاف کے حصول کا مطالبہ کیا۔ انہوں نے ایک مقامی سیاستدان پر ملتان میں اپنی آبائی زمینوں پر قبضے اور اپنے خاندان کے خلاف بے بنیاد مقدمات چلانے کا الزام لگایا۔
تنویر نانڈلا نے دعویٰ کیا کہ ایک مقامی سیاستدان نے میرے بھائی پر قاتلانہ حملہ کیا اور اسے وحشیانہ تشدد کا نشانہ بھی بنایا۔ اُن کی جانب سے ایک ویڈیو بھی شیئر کی گئی ہے جس میں ایک نوجوان کو کھیت میں بہت سارے لوگ تشدد کا نشانہ بنارہے ہیں۔
انہوں نے کہا کہ یہ افراد جدید ہتھیاروں سے لیس تھے جنہوں نے ہماری زمینوں میں داخل ہوکر فائرنگ کی اور میرے بھائی کو تشدد کا نشانہ بنایا۔
فری لانسر کے مطابق گزشتہ سال ان کے بھائی کے خلاف جعلی ایف آئی آر درج کی گئی تھی اور اُن پر قاتلانہ حملہ کیا تھا جس میں وہ بچ گئے تھے۔
انہوں نے کہا کہ وہ گزشتہ ایک سال سے لاہور، اسلام آباد اور ملتان کے مختلف اداروں میں جارہے ہیں لیکن کہیں پر بھی اُن کی بات نہیں سنی جارہی ہے۔
کیا آپ نے اپنی زندگی میں ایسا ظلم کہیں دیکھا ہے؟
ایک باریش انسان کے گھر (پراپرٹی) میں گھس کر اس پر جدید اسلحہ سے فائرنگ اور پھر سر میں بٹ مارے گئے۔میرے دادا، ابو، بھائی اور مجھ پر پچھلے 100 سال میں کوئی کریمینل ایکٹیویٹی رپورٹ نہیں اور جبکہ پچھلے ایک سال میں مجھ پر قا*تلانہ… pic.twitter.com/MYyziKJR9E
— M Tanveer Nandla (@nandla) July 25, 2023
تنویر نانڈلا نے مزید کہا کہ میں قانونی جنگ لڑ لڑ کر تھک گیا ہوں۔ میرا بڑا بھائی اس وقت نشتر ہسپتال میں زندگی موت کی جنگ لڑرہا ہے۔ مجھے نہیں سمجھ آرہی میں کہاں جاؤں، کس کے در پر دستک دوں، انصاف کہاں سے لوں؟
اس وقت میرا دماغ میرا ساتھ نہیں دے رہا۔
ایک سال سے زائد عرصہ سے تو ہم پر جیسا کہ قیامت ڈھا دی گئی ہے۔
مجھ پر قات*لانہ حملہ ہوا۔ اللہ کے کرم سے ایک سٹوڈنٹ کی وجہ سے بچ گیا۔
میرے بھائیو پر جھوٹی ایف آئی آرز کاٹی گئیں۔
میرے حمایئتیوں پر شدید نوعیت کے جھوٹے مقدمے بنائے گئے۔… pic.twitter.com/D5J7PcDHs5— M Tanveer Nandla (@nandla) July 24, 2023
سوشل میڈیا پر اُن کی اس پوسٹ کے بعد #JusticeForTanveerNandla ٹرینڈ کررہا ہے اور صارفین کی جانب سے اُن کیلئے انصاف کا مطالبہ بھی کیا جارہا ہے۔
