گوگل نیوز پر ہمیں فالو کریںاسلام آباد: روسی فیڈریشن کی اسپیکر ویلنٹینا مٹوینکو پاکستان پہنچ گئی ہیں، ان کے 3 روزہ دورے کا مقصد دو طرفہ سفارتی تعلقات کو مضبوط بنانا ہے۔
تفصیلات کے مطابق اتوار کو اسلام آباد پہنچنے والی ویلنٹینا مٹوینکو روسی فیڈریشن کی اسپیکر ہیں۔ توقع کی جارہی ہے کہ ان کا دورہ پاکستان اور روس کے بڑھتے ہوئے سفارتی و پارلیمانی تعلقات کیلئے سنگِ میل ثابت ہوگا۔ خاتون اسپیکر دورے کے دوران ملک کی اعلیٰ قیادت سے ملاقاتیں بھی کریں گی۔
دورۂ پاکستان کے دوران روسی فیڈریشن کی اسپیکر ویلنٹینا مٹوینکو صدرِ مملکت آصف علی زرداری اور وزیراعظم شہباز شریف سے ملاقاتوں کے ساتھ ساتھ ایوانِ بالا (سینیٹ) کے خصوصی اجلاس سے خطاب بھی کریں گی، جس میں پاک روس تعلقات کا فروغ ایک اہم نکتہ ہوگا۔
ترجمان وزارتِ خارجہ کا کہنا ہے کہ پاکستان اور روس کے مابین اعلیٰ سطحی بات چیت اور اسٹرٹیجک مصروفیات پر مشتمل روسی اسپیکر ویلنٹینا مٹوینکو کا یہ دورہ دونوں ممالک کے دو طرفہ تعلقات کو فروغ دینے کے عزم کا عکاس ہے۔ خاتون اسپیکر کی قیادت میں روسی وفد بھی پاکستان پہنچا ہے۔
روسی وفد اور اسپیکر ویلنٹینا مٹوینکو کو دورہ پاکستان کی دعوت چیئرمین سینیٹ یوسف رضا گیلانی نے دی تھی۔ روسی وفد کا استقبال ڈپٹی چیئرمین سینیٹ، سینیٹر بشریٰ انجم بٹ اور رسی سفیر البرٹ خوریف سمیت دوطرفہ اعلیٰ سیاسی و سفارتی حکام نے کیا۔
دورے کی اہمیت
خیال رہے کہ خطے میں ایران پر اسرائیل کے حملے کے بعد سے صورتحال کشیدہ ہے، اسرائیل کی پشت پر امریکا اور بھارت دونوں موجود ہیں جبکہ پاکستان کے سفارتی تعلقات امریکا اور روس دونوں کے ساتھ بہت اچھے ہیں، روسی خاتون اسپیکر کے دورے کو اس تناظر میں بہت اہمیت دی جارہی ہے۔
ویلنٹینا مٹوینکو کون؟
