گوگل نیوز پر ہمیں فالو کریںپاکستان کرکٹ ٹیم کے سابق کپتان وسیم اکرم کو پرتھ میں بھارت اور آسٹریلیا کے درمیان جاری ٹیسٹ میچ سیریز کے دوران ایک کرکٹ فین نے ہراساں کیا۔
ڈیلی میل کی رپورٹ کے مطابق یہ واقعہ اس وقت پیش آیا جب وسیم اکرم نے فین کے لیے آٹوگراف دیا تھا۔ جب وسیم اکرم اپنی براڈکاسٹنگ ڈیوٹی مکمل کرنے کے بعد واپس جا رہے تھے، تو وہ فین دوبارہ ان کے پاس آیا۔ وسیم اکرم جب ٹیکسی پکڑنے کی کوشش کر رہے تھے تو فین نے ان کے ساتھ بدتمیزی کی اور گالی گلوچ کی۔
اس بات چیت کے بعد وسیم اکرم پریشان ہو گئے اور سیکورٹی فورسز نے فوراً مداخلت کر کے فین کو وہاں سے نکال لیا۔ رپورٹ میں یہ واضح نہیں کیا گیا کہ آیا فین اس وقت نشے کی حالت میں تھا یا نہیں تاہم یہ تصدیق کی گئی کہ گالی گلوچ کا واقعہ نسلی نوعیت کا نہیں تھا۔
مشہور رقاصہ دیدار نے عبدالرزاق کی شادی کی پیشکش کیوں مسترد کی؟ کرکٹر نے سچائی سے پردہ اٹھایا
اس واقعے کے بعد کرکٹ آسٹریلیا نے وسیم اکرم کو یقین دہانی کرائی کہ پرتھ میں جاری پہلے ٹیسٹ میچ کے باقی حصے کے دوران سخت سیکورٹی تدابیر نافذ کی جائیں گی۔
بورڈ نے یہ بھی اعلان کیا کہ لائیو براڈکاسٹ کے دوران کمنٹری کرنے والوں کے گرد سیکورٹی مزید بڑھا دی جائے گی اور کمنٹیٹرز کو براہ راست مقام تک پہنچانے کے لیے گاڑیوں کے ذریعے سیکورٹی فراہم کی جائے گی تاکہ ان کی حفاظت یقینی بنائی جا سکے۔
