گوگل نیوز پر ہمیں فالو کریںکراچی: پاکستان سپر لیگ (پی ایس ایل) 8 میں ہوم گراؤنڈ پر کراچی کنگز کو مسلسل دوسری شکست کا سامنا کرنا پڑا ہے۔
نیشنل اسٹیڈیم کراچی میں میچ کے بعد پریس کانفرنس کرتے ہوئے حیدرعلی نے کہا کہ دو میچ ضرور ہار گئے لیکن کوشش ہے کم بیک کریں، ہوم گراؤنڈ پر باقی دو میچز ہمارے لیے بہت اہم ہیں، پوری کوشش ہوگی دونوں میچز جیتیں۔
انہوں نے کہا کہ ٹی ٹوئنٹی میں کبھی بھی کوئی نمبر مل جاتا ہے، جس نمبر پر جگہ ملے گی، میں پرفارم کروں گا، ٹیم جس نمبر پر بھیجے میں تیار ہوں، مجھے کسی بھی نمبر بھیجیں ہدایت یہ ہوتی ہے کہ اپنی بیسٹ کرکٹ کھیلیں۔
کوئٹہ گلیڈی ایٹرز کو ڈھیر کرنے والے احسان اللہ کون ہیں؟
حیدر علی کا کہنا تھا کہ دو اوورز پہلے اسلام آباد نے ہدف مکمل کیا، میچ میں ایسا ہوتا رہتا ہے، ڈیو فیکٹر تھا ہوسکتا ہے اس وجہ سے زیادہ اچھی بولنگ نہیں ہوسکی، کھلاڑی کوشش کرتا ہے، کوئی بھی یہ نہیں چاہتا رنز کم بنائے۔
ان کا کہنا تھا کہ منیجمنٹ کی جانب سے مکمل سپورٹ ہے، وسیم اکرم بھائی بہت کچھ سکھاتے ہیں، انہوں نے نیچرل گیم کھیلنے کا کہا ہے۔
خیال رہے کہ گزشتہ روز کھیلے گئے میچ میں اسلام آباد یونائیٹڈ نے کراچی کنگز کو 4 وکٹوں سے شکست دے دی تھی۔
