گوگل نیوز پر ہمیں فالو کریںگریٹ برٹش بیک آف 2024کے تکنیکی چیلنجز مکمل ہو چکے ہیں، فائنل شو میں نئے چیمپئن کا تاج پہنانے کے دوران اعلانات نے سب کو حیرت میں ڈال دیا۔
بی بی سی کی ایک رپورٹ کے مطابق گرینڈ فائنل ہمیشہ کی طرح شاندار تھا، جہاں تین باصلاحیت فائنلسٹ نے ججز کو متاثر کرنے اور قیمتی گریٹ برٹش بیک آف کا تاج جیتنے کے لیے اپنی بھرپور کوشش کی۔ حیرت انگیز کیک تخلیقات کے درمیان، صرف ایک ہی فاتح ہو سکتا تھا۔
ہفتوں کے سخت مقابلے کے بعد جارجی نے اس سال کا گریٹ برٹش بیک آف جیت لیا۔ جارجی جو ایک نرس ہیں، نے تاریخ رقم کی اور ویلز کی پہلی فاتح بن گئیں۔ اس شو، جس کی میزبانی نوئل فیلڈنگ اور ایلیسن ہیمنڈ نے کی اور 12 بیکرز نے 10 اقساط میں 30 چیلنجز کا سامنا کیا۔
فتح کا سن کر جارجی نے خوشی کا اظہار کرتے ہوئے کہا کہ یہ بہت حیرت انگیز ہے! میں نے جیت لیا، یقین نہیں آتا۔ یہ ناقابل یقین ہے۔”جج ڈیم پرُو لیتھ نے ان کی تعریف کرتے ہوئے کہا:جارجی نے جو کام کیا، وہ بہترین کلاسک برٹش بیکنگ کا کمال تھا، اور وہ اس کے لیے درست طور پر فاتح بنیں۔”
پال ہالی وڈ نے بھی ان کی تعریف کی:ویلز کی حیرت انگیز جارجی نے لاجواب کارکردگی دکھائی۔جارجی نے کہاکہ سیزن کے دوران کئی مواقع ایسے آئے جب لگا کہ میں باہر ہو جاؤں گی لیکن یہ احساس کہ میں نے ویلز کے لیے یہ کارنامہ انجام دیا، حیران کن ہے۔ ویلز سے مجھے زبردست حمایت ملی اور مجھے امید ہے کہ میں نے ان کا سر فخر سے بلند کیا۔”
جارجی نے مزید کہاکہ “جب مجھے بتایا گیا کہ میں نے جیت لیا ہے، تو یہ سب خواب جیسا لگا۔ میرے اہل خانہ میرے ساتھ تھے، اس شو نے مجھے سکھایا کہ خود پر اعتماد کریں اور اپنی صلاحیتوں پر یقین رکھیں۔”
یہ سیزن بیکنگ کے شائقین کے لیے ایک یادگار تجربہ تھا اور جارجی کی کامیابی نے نہ صرف ان کے بلکہ ویلز کے لیے بھی ایک تاریخی لمحہ تخلیق کیا۔
