رمضان المبارک میں ٹریفک چالان کب نہیں ہوگا؟

کراچی: ڈی آئی جی ٹریفک کراچی احمد نواز چیمہ نے کہا ہے کہ رمضان المبارک میں افطار سے 2 گھنٹے قبل کسی کا چالان نہیں کیا جائیگا۔

ڈی آئی جی ٹریفک احمد نواز چیمہ نے اپنے بیان میں کہا کہ رمضان المبارک میں افطار سے 2 گھنٹے قبل کسی گاڑی سوار کا چالان نہیں کیا جائیگا۔

جاری کردہ بیان میں ڈی آئی جی ٹریفک نے کہا کہ رمضان المبارک میں ٹریفک بحال رکھنے کیلئے تمام وسائل بروئے کار لائے جائینگے بعدازاں ٹریفک بحال رکھنے کیلئے تمام پوائنٹس پر اہلکار تعینات ہونگے۔

مزید برآں انہوں نے کہا ہے کہ رمضان المبارک میں ٹریفک کی روانی بحال رکھنے کیلیے ٹریفک پولیس کا خصوصی یونٹ تشکیل دے دیا گیا ہے جو افطار کے بعد سےسحری تک فرائض انجام دے گا۔

یہ بھی پڑھیں:پشین کا حسیب اللہ، پاکستان کرکٹ کا ابھرتا ہوا ستارہ

واضح رہے کہ رمضان المبارک کا چاند دیکھنے کیلئے مرکزی رویت ہلال کمیٹی کا اجلاس آج شام ہوگا۔

اس حوالے سے رویتِ ہلال کمیٹی کے چیئرمین مولانا سید عبدالخبیر آزاد کا کہنا تھا کہ عوام الناس اور ادارے چاند کی رویت کی اطلاع مقامی انتظامیہ اور زونل کمیٹی کو دے سکتے ہیں۔ یاد رہے کہ محکمۂ موسمیات آج چاند نظر آجانے سے متعلق پہلے ہی پیشگوئی کرچکا ہے۔