واٹس ایپ کا پرائیویسی سے متعلق اہم فیچر متعارف

دنیا بھر میں پیغام رسانی کیلئے سب سے زیادہ واٹس ایپ کا استعمال کیا جاتا ہے یہی وجہ ہے کہ واٹس ایپ اپنے صارفین کو سہولت دینے کیلئے اکثراوقات اپنے فیچرز میں تبدیلی کرتا رہتا ہے۔

حال ہی میں واٹس ایپ نے ایک ایسا دلچسپ فیچر متعارف کروایا ہے، جس میں ایسے افراد کی پرائیویسی کا خیال رکھا جائے گا جو کہ اپنی تصویر صرف مخصوص لوگوں کو دکھانا چاہتے ہیں۔

غیرملکی میڈیا کے مطابق واٹس ایپ کے اس نئے فیچر میں آپ باآسانی انتخاب کرسکیں گے کہ کون آپ کی ذاتی معلومات دیکھ سکتا ہے اور کون نہیں ہے، اس فیچرکی مدد سے آپ اپنے رابطوں کی لسٹ میں سے بھی مخصوص لوگوں کا انتخاب کرسکیں گے۔

یہ بھی پڑھیں:

پاکستان میں کورونا کے 204 نئے کیسز رپورٹ، 66 مریضوں کی حالت تشویشناک

دوسری جانب فیس بک کے اعلیٰ افسران کی خفیہ میٹنگ کی کچھ اطلاعات موصول ہوئی ہیں، جس سے یہ معلوم ہوا ہے کہ فیس بک جلد ہی اپنی نیوز فیڈ کو مکمل طور پر تبدیل کردے گا۔

ٹیکنالوجی ویب سائٹ دی ورج کا کہنا ہے کہ خفیہ میمو سے معلوم ہوا ہے کہ فیس بک کے اعلیٰ افسران نے انجنیئرز کو ویب سائٹ کی نیوز فیڈ پر ’ریلز‘ یعنی مختصر ویڈیوز کو بڑھانے کے لیے فیچرز متعارف کرانے کی ہدایات کی ہیں۔

میمو کے مطابق فیس بک کی اعلیٰ انتظامیہ چاہتی ہے کہ نیوز فیڈ پر اب صرف اُن افراد کی پوسٹس یا مواد نظر نہ آئے جو لوگ ایک دوسرے کے دوست ہوتے ہیں یا جنہوں نے ایک دوسرے کو فالو کر رکھا ہوتا ہے بلکہ اب ایسے لوگوں کو مواد کو بھی سجیسٹ کیا جائے جنہیں فالو نہیں کیا گیا ہوتا۔