گوگل نیوز پر ہمیں فالو کریںواٹس ایپ کی جانب سے اسٹیٹس فیچر کو مزید بہتر بنایا جا رہا ہے۔
اس مقصد کے لیے واٹس ایپ کے اینڈرائیڈ ڈیوائسز کے لیے نئے بِیٹا ورژن میں اسٹیٹس کے لیے ایک نئے فیچر کا اضافہ کیا جا رہا ہے۔
WABetaInfo کی رپورٹ کے مطابق اینڈرائیڈ ڈیوائسز کے نئے بیٹا ورژن میں ایک نیا فیچر متعارف کرایا گیا ہے جس سے صارفین میوزک کو اپنے اسٹیٹس اپ ڈیٹس کا حصہ بنا سکیں گے۔
خیال رہے کہ واٹس ایپ میں اسٹوریز فیچر کو اسٹیٹس کے نام سے شامل کیا گیا ہے۔
اسرائیل لبنان اور فلسطین کی اراضی پر ناجائز قبضہ فوری ختم کرے، پاکستان
اگر آپ واٹس ایپ اسٹیٹس استعمال کرتے ہیں تو اچھی خبر یہ ہے کہ کمپنی کی جانب سے اسے بہتر بنایا جا رہا ہے۔
میٹا کی زیرملکیت ایپ میں اسٹیٹس اپ ڈیٹس سیکشن کا یوزر انٹرفیس تبدیل کیا جا رہا ہے۔
اب اس سیکشن میں ایک نیا میوزک آئیکون صارفین کو ڈرائنگ ایڈیٹر کے اوپر اس وقت نظر آئے گا جب ان کی جانب سے ایک اسٹیٹس واٹس ایپ میں پوسٹ کیا جائے گا۔
صارفین اس آئیکون پر کلک کرکے اپنے پسندیدہ گانوں کو تلاش کرسکیں گے اور اسٹیٹس اپ ڈیٹس کا حصہ بناسکیں گے۔
جب کسی گانے کو منتخب کرلیا جائے گا تو صارفین کے پاس کسی مخصوص سیکشن کو سلیکٹ کرنے کا آپشن ہوگا۔
تصویر مبنی اسٹیٹس کے لیے 15 سیکنڈ دورانیے جبکہ ویڈیو کلپ کے لیے مختلف دورانیے کے میوزک کو سلیکٹ کیا جاسکے گا۔
جیسا اوپر درج کیا جاچکا ہے کہ یہ فیچر بیٹا ورژن میں متعارف کرایا گیا ہے تو ابھی یہ محدود افراد کو دستیاب ہے۔
اسے کب تک تمام صارفین کے لیے متعارف کرایا جائے گا، اس بارے میں ابھی کچھ کہنا مشکل ہے۔
