گوگل نیوز پر ہمیں فالو کریںوفاقی حکومت نے ڈیڈ لائن ختم ہونے کے باوجود غیر رجسٹرڈ وی پی اینز کو فوری طور پر بند نہ کرنے کا فیصلہ کیا ہے۔
وی پی اینز کی رجسٹریشن کی تاریخ میں توسیع کرنے یا نہ کرنے کا فیصلہ نہ ہوسکا تاہم ڈیڈ لائن ختم ہونے کے باوجود غیر رجسٹرڈ وی پی اینز کو فوری طور پر بند نہ کرنے کا فیصلہ کیا گیا ہے۔
اس حوالے سے پی ٹی اے ذرائع کا کہنا ہے کہ ڈیڈ لائن گزرنے کے باوجود وی پی اینز کی رجسٹریشن جاری رہے گی، غیر رجسٹرڈ وی پی اینز کے حوالے سے آئندہ ہفتے فیصلہ متوقع ہے۔
وزارت داخلہ کی جانب سے تحریری ہدایات ملنے کے بعد فیصلہ ہوگا، پی ٹی اے کو غیر رجسٹرڈ وی پی اینز کے حوالے سے وزارت داخلہ کی ہدایات کا انتظار ہے۔
واضح رہے کہ پی ٹی اے نے وی پی اینز کی رجسٹریشن کے لیے 30 نومبر کی ڈیڈ لائن مقرر کی تھی جبکہ آئی ٹی انڈسٹری، فری لانسرز اور دیگر اسٹیک ہولڈرز نے تاریخ میں توسیع کا مطالبہ کر رکھا ہے۔
