ٹیب سٹی راولپنڈی کیا ہے اور مولانا طارق جمیل کے بیٹے کا اس سےکیا تعلق ہے؟

ٹیب سٹی راولپنڈی حالیہ دنوں میں اپنی دلکش ہاؤسنگ سوسائٹی کی وجہ سے نہیں بلکہ طارق جمیل کے بیٹے کا نام منسلک ہونے کی وجہ سے مشہور ہورہی ہے۔

ٹیب سٹی

ٹیب سٹی راولپنڈی تمام خصوصیات کے ساتھ راولپنڈی کے قلب میں ایک نئی قائم کی گئی 15,000 کنال کی ہاؤسنگ سوسائٹی ہے۔ اگر کوئی سب سے زیادہ منافع بخش ہاؤسنگ سوسائٹی میں سرمایہ کاری کرنا چاہتا ہے، تو ٹیب سٹی سے بہتر کوئی دوسرا آپشن نہیں ہے۔

مقام

ٹیب سٹی ڈھوک کھاریاں، جی ٹی روڈ پر واقع ہے۔ راوت، گیگا مال، زراج سوسائٹی، بحریہ ٹاؤن، اور ڈی ایچ اے ٹیب سٹی سے چند منٹ کے فاصلے پر ہیں۔ اسلام آباد کے قریب ہونے کی وجہ سے، کچھ سرمایہ کار اسے ٹیب سٹی اسلام آباد بھی کہتے ہیں۔

تنازعہ

یہ سب اس وقت شروع ہوا جب مولانا طارق جمیل کے صاحبزادے یوسف جمیل سے متعلق اس قسم کی خبریں سامنے آئیں کہ وہ ٹیب بلڈرز سے منسلک ہوگئے ہیں۔

مولانا طارق جمیل کا مؤقف

گزشتہ دنوں سے فیس بک اور کچھ چینلز پر خبریں گردش کررہی ہیں کہ طارق جمیل اسلام آباد میں ایک سوسائٹی بنا رہے ہیں۔

طارق جمیل نے ان خبروں کی تردید کی اور خود کو اس خبر سے لاتعلق ظاہر کیا۔ ایک ویڈیو پیغام میں، انہوں نے ٹی اے بی سٹی راولپنڈی کے ساتھ کسی قسم کے ملوث ہونے یا اس سے وابستگی سے انکار کیا۔

جس پر ردعمل دیتے ہوے مولانا طارق جمیل نے کہا کہ خدا نے مجھے بہت سی موروثی جائیداد سے نوازا ہے۔ یہ تمام خبریں جعلی ہیں، اس سے میرااور میرے بیٹے کا کوئی تعلق نہیں ہے۔

اگر ہمارے نام استعمال ہورہے ہیں تو میں واضح کرنا چاہتا ہوں کہ اگر آپ وہاں پلاٹ خریدنا چاہتے ہیں تو یہ آپ کی اپنی مرضی ہے۔ لیکن نہ تو میرا اور نہ ہی میرے بیٹے کا نام اس کے ساتھ منسلک ہونا چاہیے۔

اسکائی مارکیٹنگ کے دعوے

طارق جمیل کی ویڈیو کے بعد، اسکائی مارکیٹنگ نے یہ بھی دعویٰ کیا کہ اس کی معلومات ایس ای سی پی کی دستاویزات پر مبنی تھی جس میں واضح طور پر مولانا طارق جمیل کے بیٹے، ٹی اے بی سٹی کے ڈائریکٹر کا ذکر ہے۔

ایک سوشل میڈیا پیغام میں، اسکائی مارکیٹنگ نے کہا کہ اسکائی مارکیٹنگ مذہب اور ملک کیلئے مولانا طارق جمیل کی خدمات کو خراج تحسین پیش کرتی ہے۔

مزید برآں اسکائی مارکیٹنگ نے دستاویزات کی ایک تصویر بھی پوسٹ کی جس میں واضح طور پر مولانا یوسف جمیل کو ٹی اے بی سٹی کے ڈائریکٹر کے طور پر دکھایا گیا ہے۔