گوگل نیوز پر ہمیں فالو کریںاسلام آباد: صدرِ پاکستان ڈاکٹر عارف علوی نے کہا ہے کہ ملک میں پھیلنے والے کورونا وائرس کے خلاف عوام کو بار بار احتیاطی تدابیر یاد دلانا ضروری ہے۔
سماجی رابطے کی ویب سائٹ ٹوئٹر پر اپنے پیغام میں صدرِ مملکت ڈاکٹر عارف علوی نے کہا کہ کورونا وائرس کے خلاف جنگ کے دوران آج ہم ایک نئے دن میں داخل ہوئے۔ ہمیں عوام کو احتیاطی تدابیر بار بار یاد دلانی چاہئیں۔
احتیاطی تدابیر کا ذکر کرتے ہوئے صدرِ مملکت نے کہا کہ سماجی فاصلے، ہاتھوں کو بار بار دھونا اور اپنے چہرے کو ہاتھ نہ لگانا جیسی احتیاطیں ہمیں عوام کو یاد دلانا ہوں گی۔ ہر پاکستانی کو یہ جنگ لڑنی ہے۔
صدرِ مملکت عارف علوی نے کہا کہ کورونا وائرس کے خلاف جنگ میں ایک سپاہی کی حیثیت سے ہر پاکستانی اپنے ہر دوست، رشتہ دار اور ہمسائے کو ایک لسٹ میں شامل کرے۔ ان شاء اللہ فتح ہماری ہوگی۔
As another day in this war dawns upon us, we must remind the people repeatedly about simple precautions of social distancing, washing of hands & not to touch your face. Every Pakistani must fight this war & enlist every friend, relative, neighbor as a soldier. We will win انشاللہ
— The President of Pakistan (@PresOfPakistan) March 22, 2020
یاد رہے کہ اِس سے قبل پیپلز پارٹی کے چیئرمین بلاول بھٹو زرداری نے کہا کہ ملک میں تیزی سے پھیلتے ہوئے کورونا وائرس کے خلاف ملک گیر لاک ڈاؤن میں تاخیر ہمارے لیے مشکلات پیدا کرسکتی ہے۔
کراچی میں کورونا وائرس کے حوالے سے گفتگو کرتے ہوئے چیئرمین پیپلز پارٹی بلاول بھٹو زرداری نے کہا کہ اگر وائرس کو روکنا ہے تو اس کے لیے ملک گیر لاک ڈاؤن ضروری ہے۔ صوبے اِس آفت کا تنہا مقابلہ نہیں کرسکتے۔
مزید پڑھیں: ملک گیر لاک ڈاؤن میں تاخیر مشکلات پیدا کرسکتی ہے۔بلاول بھٹو زرداری
