گوگل نیوز پر ہمیں فالو کریںکراچی: قومی کرکٹ ٹیم کے وکٹ کیپر بلے باز محمد رضوان نے کہا ہے کہ تنقید کرنے والوں کو سلام انکی وجہ سے ملک کی کرکٹ اوپر جائے گی۔
محمد رضوان کا کراچی میں پریس کانفرنس کرتے ہوئے کہنا تھا کہ ورلڈکپ بیس لوگوں کاکھیل نہیں ہم سب حصہ دارہیں، نئی چیزوں پر فوکس رکھتے ہوئے ماضی کی باتوں کو بھول کر آگے بڑھنا ہوگا۔
محمد رضوان نے کہا کہ انٹرنیشنل کھیل پریشر کا کھیل ہے، تنقید کرنیوالوں کو سلام کیونکہ وہ پاکستان کے لئے سوچتے ہیں، تنقید سے ملک کی کرکٹ اوپر جائے گی۔
انہوں نے کہا کہ کراچی کی پچز پنڈی سے مختلف ہیں، پچ اورکنڈیشن اہمیت کی حامل ہوتی ہے اور مختلف کنڈیشنزمیں مختلف نتیجہ ہوتاہے۔
رضوان نے کہا کہ میری خواہش ہے کہ میں چارپرکھیلوں، کسی سے شکوہ شکایت نہیں، کپتان اورکوچ کی سوچ مختلف ہوتی ہے، ٹیم میں گیارہ فخرزمان نہیں ہوسکتے، ہماری قوم میں دس بارا کروڑتوکمنٹریٹرہی ہونگے۔
مزید پڑھیں:تیسرا ٹی ٹوئنٹی، پاک نیوزی لینڈ میچ کیلئے سکیورٹی پلان مرتب
انہوں نے مزید کہا کہ ٹیم میں ہر کھلاڑی کی اپنی اپنی جگہ ہوتی ہے، بیٹنگ آرڈراوپرنیچے کرنامشکل ہوتاہے، پانچ نمبرسے میں خوش نہیں ہوں مگر یہ ضروری نہیں کہ میں جوچاہوں وہ مجھے ملے۔
