تیندوےکا گھر میں گھس کر حملہ، پالتو کتے کو اُٹھا کر لے گیا

نئی دہلی: بھارت میں ایک تیندوے نے گھر میں گھس کر کتے پر حملہ کر دیا۔ جس کے باعث افرا تفری مچ گئی۔

بھارتی میڈیا کے مطابق تیندوے کی گھر میں گھس آنے کی ویڈیو کو بھارتی محکمہ جنگلات کے افسر کی جانب سے شیئر کیا گیا۔

ویڈیو میں جنگلی جانور کو گھر کے دروازے پر نوکیلے جنگلوں سے پھلانگ کر اندر جاتے دیکھا جا سکتا ہے۔

ویڈیو میں بعد ازاں تیندوے کو اسی نوکیلے جنگلوں سے گھر میں موجود پالتو کتے کو دانتوں میں دبوچے کرلے جاتے بھی دیکھا گیا۔

مزید پڑھیں: بھارتی ریاست اترپردیش میں تیندواکلاس میں گھس گیا،طالبعلم زخمی

بھارتی افسر نے اپنے ٹوئٹ میں بتایا کہ کچھ لوگوں کے لیے یہ غیر معمولی واقعہ ہے لیکن بھارت کے پہاڑی علاقوں سمیت کئی علاقوں میں تیندوے کتوں کا شکار کرتے ہیں جس کے پیش نظر مقامی لوگ کتوں کے گلے میں آئرن کالر پہنا دیتے ہیں۔