گوگل نیوز پر ہمیں فالو کریںبھوپال: بھارتی ریاست مدھیہ پردیش میں مسلمان ماں بیٹے پر انسانیت سوز تشدد کیا گیا ہے، ہندوتوا کے انتہا پسند غنڈوں نے پردہ دار خاتون کا نقاب بھی پھاڑ دیا۔
تفصیلات کے مطابق بھارت میں انتہا پسندی عروج پر پہنچ گئی۔ ماں اور بیٹے پر تشدد کی ویڈیو سوشل میڈیا پر وائرل ہوگئی جس میں مسلمان لڑکے واجد علی اور اس کی والدہ کو انتہا پسندوں نے تشدد کا نشانہ بنایا۔
چین کے سابق وزیر پر بدعنوانی کا جرم ثابت، عمر قید کی سزا سنا دی گئی
انتہا پسندوں نے لاتوں اور ڈنڈوں سے واجد علی پر انسانیت سوز تشدد کیا جس کے نتیجے میں واجد علی زخمی ہوگئے تاہم ہندوتوا کے مجمعے میں شامل ہندو انتہا پسند عورتوں نے ان کی ماں پر بھی بد ترین تشدد کیا۔
A Muslim man named Wajid Ali was travelling with his mother in the Indian state of Madhya Pradesh when a Hindutva mob brutally attacked him and ripped off his mother’s niqab. pic.twitter.com/frBKwSVONo
— 5Pillars (@5Pillarsuk) September 22, 2022
ایک طرف ہندو انتہا پسندوں نے مسلمان ماں اور بیٹے پر تشدد کیا اور مغلظات بکیں جبکہ دوسری جانب مدھیہ پردیش پولیس نے حسبِ معمول واقعے کے خلاف کوئی کارروائی نہیں کی۔
سوشل میڈیا صارفین کا کہنا ہے کہ واجد علی اور اس کی والدہ بھارتی ریاست مدھیہ پردیش میں اپنے کسی عزیز کے ہاں جا رہے تھے جب انہیں تشدد کا نشانہ بنایا گیا۔ بھارت میں اقلیتوں پر تشدد کے واقعات عام ہورہے ہیں۔
سوشل میڈیا پر زیرِ گردش اطلاعات کے مطابق واجد علی کا تعلق مدھیہ پردیش کے چندی واڑہ ضلعے سے ہے اور ان کی عمر 23 سال ہے جبکہ ہندوتوا کے ہجوم نے ان کو موٹر سائیکل سے باندھ دیا۔
A mob attack on 23-year-old Wajid Ali in #MadhyaPradesh Chhindwara district. The #Muslim family was traveling with his parents when a #Hindu mob stopped him, assaulted them all, dragged the man after tying him to the bike, tore the clothes of his mother.#India pic.twitter.com/3oS1T7Inzp
— Concept TV News (@ConceptTVNews) September 22, 2022
واجد علی کو بائیک سے باندھنے کے بعد سڑک پر گھسیٹا گیا جبکہ ان کی والدہ کے کپڑے پھاڑ دئیے گئے۔ سوشل میڈیا صارفین کا کہنا ہے کہ وزیر اعظم نریندر مودی کے دور میں مسلمانوں پر تشدد کے واقعات میں اضافہ ہوا ہے۔
پولیس کے بیان کے مطابق 15 ستمبر کو پیش آنے والے تشدد کے واقعے سے قبل واجد علی نے گاؤں میں ایک خاتون سے ملاقات کی کوشش کی تھی جسے اس کے والدین نے ہندو ہونے کی وجہ سے اس سے دور رکھا۔ خاتون کے گھر والوں نے ہی واجد علی پر تشدد کرایا ہے۔
