گوگل نیوز پر ہمیں فالو کریںکراچی:اینٹی کرپشن اسٹیبلشمنٹ ایسٹ زون کی ڈائریکٹر شہزاد فضل عباسی کی سربراہی میں بڑی کارروائی، 80 لاکھ روپے رشوت لینے کے الزام میں ڈی سی آفس ملیر کی خاتون کلرک کو گرفتار کرکے مقدمہ درج کرلیا گیا۔
فضل شہزاد عباسی ڈائریکٹر اینٹی کرپشن سندھ کے مطابق خاتون کلرک شبانہ نے سرکاری زمین ٹرانسفر کرنے کی مد میں مقامی شخص سے رقم وصول کی تھی۔
خاتون کلرک کی رشوت وصولی کی وڈیو بھی سوشل میڈیا پر وائرل ہوئی تھی، خاتون کلرک کو وڈیو وائرل ہونے پر معطل کیا گیا تھا۔
احمد علی شیخ ڈپٹی ڈائریکٹر ایسٹ کا اس حوالے سے کہنا تھا کہ اینٹی کرپشن ٹیم معاملے کی مزید تحقیقات کررہی ہے۔
