گوگل نیوز پر ہمیں فالو کریںکابل: افغانستان میں ایک کارروائی کے دوران امریکی فوج کا اہلکار ہلاک ہوگیا۔
عالمی میڈیا کے مطابق افغانستان کے صوبے لوگر کے طالبان کے زیر تسلط ضلع چارک میں فوجی کارروائی کے دوران امریکی فوج کا اہلکار ہلاک ہوگیا۔ افغانستان میں امریکی فوج کے ترجمان نے فوجی اہلکار کی ہلاکت کی تصدیق کی ۔
افغانستان میں امریکی حکام کی جانب سے جاری بیان میں کہا گیا کہ فوجی کی ہلاکت چارک ضلع میں ایک کارروائی کے دوران ہوئی تاہم امریکی اہلکار کی شناخت ان کے اہل خانہ سے رابطے اور اجازت کے بعد ہی ظاہر کی جاسکے گی۔
فوجی کارروائی سے متعلق بھی تفصیلات خفیہ رکھی گئی ہیں۔ امریکی فوجی اہلکار کی ہلاکت سے رواں برس ہلاک ہونے والے امریکی اہلکاروں کی تعداد 20 ہوگئی ہے۔
افغان فوج کو ٹریننگ، مشاورت، معاونت اور فوجی کارروائی کیلیے افغانستان میں 12 ہزار امریکی فوجی موجود ہیں جن کی بحفاظت انخلاء کیلئے امریکا اور طالبان کے درمیان مذاکرات اب بھی تعطل کا شکار ہیں۔
یہ بھی پڑھیں: مقبوضہ کشمیر کی سینکڑوں ایکڑ اراضی پر بھارتی فوج کے ناجائز قبضے کا انکشاف
