گوگل نیوز پر ہمیں فالو کریںواشنگٹن: امریکی حکومت نے چیئرمین پی ٹی آئی و سابق وزیر اعظم پاکستان عمران خان پر قاتلانہ حملے کی ایک بار پھر واشگاف الفاظ میں مذمت کی ہے۔
تفصیلات کے مطابق ترجمان امریکی دفترِ خارجہ نیڈ پرائس نے کہا کہ سیاست میں تشدد کی کوئی جگہ نہیں، فریقین ہراسانی، تشدد اور دھمکیوں سے اجتناب برتیں۔ امریکا جمہوریت پسند ملک ہے۔دفترِ خارجہ کی جانب سے بیان جاری کردیا گیا۔
امریکا نے عمران خان پر حملے کی مذمت کردی، تمام فریقین سے پرامن رہنے کا مطالبہ
ترجمان امریکی دفترِ خارجہ نیڈ پرائس نے گزشتہ شب کہا کہ امریکا پاکستان کو جمہوری اور پر امن دیکھنے کیلئے پر عزم ہے جبکہ گزشتہ چند روز میں پاکستان میں ہونے والے واقعات پر تشویش ہے۔
امریکی دفترِ خارجہ کے ترجمان نے کہا کہ امریکا پاکستانی حکام کے ساتھ آزادئ صحافت اور آزادئ اظہار رائے کے حوالے سے بات چیت کرتا رہے گا۔
خیال رہے کہ اس سے قبل امریکی وزیر خارجہ انٹونی بلنکن نے چیئرمین پی ٹی آئی عمران خان پرحملے کی سختی سے مذمت کی تھی۔
سماجی رابطے کی ویب سائٹ ٹوئٹر پر جاری اپنے پیغام میں انٹونی بلنکن نے عمران خان کو ٹیگ کرتے ہوئے لکھا کہ امریکا سیاسی جماعت پرفائرنگ کے واقعے کی سختی سے مذمت کرتا ہے۔
