شہر قائد کی فضاؤں میں امریکی شنوک ہیلی کاپٹرز کی اُڑان، ویڈیو وائرل

کراچی: شہر قائد کی فضاؤں میں جمعرات کی شام امریکی شنوک ہیلی کاپٹرز کو اڑتے ہوئے دیکھا گیا، بعض شہریوں کی جانب سے اڑتے ہوئے ہیلی کاپٹرز کی ویڈیو بھی بنائی گئی۔

ذرائع کے مطابق امریکی شنوک ہیلی کاپٹرز شمال مشرق سے مغرب کی جانب جاتے دیکھے گئے ہیں۔ تین امریکی شنوک ہیلی کاپٹرز ایک فارمیشن میں پرواز کررہے تھے۔

کراچی میں امریکی ہیلی کاپٹرز اڑتے ہوئے نظر آئیں ہیں
ابھی چند سیکنڈ پہلے pic.twitter.com/HNEJvhBrmD

— عروسہ سلمان (@Uroosa_Salman) September 2, 2021

ذرائع کے مطابق امریکی شنوک ہیلی کاپٹرز نے پاکستان میں ایک مقام سے دوسرے مقام تک پرواز کی، دیو ہیکل امریکی ٹرانسپورٹ ہیلی کاپٹرز کو کراچی کی فضاؤں میں اڑتے ہوئے دیکھ کر شہریوں نے تعجب کا اظہار کیا۔

مزید پڑھیں: وادی پنج شیر میں طالبان اور باغیوں کا لڑائی میں بھاری نقصانات کا دعویٰ

ذرائع کے مطابق شنوک ہیلی کاپٹرز رفیقی ائیر بیس سرگودھا سے پرواز کرکے کراچی میں مسرور بس پر لینڈ ہوئے۔واضح ہے کہ افغانستان سے امریکی افواج نے انخلاء مکمل کرلیا ہے۔