گوگل نیوز پر ہمیں فالو کریںپولیس نے بشام میں جاں بحق چینی انجینئرز کو لیکر جانیوالی گاڑی بلٹ پروف نہ ہونیکا انکشاف کرنے والی رپورٹ وفاق کو ارسال کردی جو خودکش حملے کے متعلق دوسری رپورٹ ہے۔
نجی ٹی وی (ہم نیوز) کے مطابق پولیس کی جانب سے وفاق کو ارسال رپورٹ میں کہا گیا ہے کہ بظاہر چینیوں کو لے کر جانیوالی گاڑی بلٹ پروف یا بم پروف محسوس نہیں ہوتی۔ ہلاک چینی باشندوں میں ایک چینی خاتون انجینئر بھی شامل تھیں۔
خودکش حملے کے متعلق بھیجی گئی رپورٹ میں کہا گیا ہے کہ جائے وقوعہ کی فضائی تصویر حاصل کرلی گئی، تھانہ بشام کا جائے وقوعہ سے فاصلہ 6 کلومیٹر جبکہ داسو ڈیم کا فاصلہ 77 کلومیٹر ہے۔ تباہ ہونے والی بس کا دوسری بس سے 15فٹ کا فاصلہ تھا۔
رپورٹ میں کہا گیا ہے کہ خودکش حملے کا شکار بس دھماکے کے ساتھ ہی 300 فٹ گہرائی میں جاگری۔ چینی قافلے میں شامل تمام بسز میں سی سی ٹی وی کیمرے نصب کیے گئے تھے۔ خودکش بمبار کے زیر استعمال گاڑی کے ٹکڑے برآمد کر لیے گئے ہیں۔
