اس سال رمضان المبارک میں کون سے خصوصی ڈرامے دکھائے جائینگے؟

جیسا کہ ہم سب جانتے ہیں کہ رمضان المبارک کا مہینہ سعادتوں اور رحمتوں سے مالا مال ہوتا ہے، اس مہینے میں تمام مسلمان روزہ رکھتے ہیں بعدازاں افطار کے بعد تمام گھروالے ساتھ مل کر بیٹھتے ہیں اور کسی ہلکے پھلکے مزاحیہ شو کو دیکھنا پسند کرتے ہیں۔

ہر سال پاکستانی ڈرامہ انڈسٹری کی جانب سے یہی کوشش کی جاتی ہے کہ ایک سے بڑھ کر ایک رمضان اسپیشل ڈرامہ پیش کیا جائے کیونکہ یہ ڈرامے عوام میں بہت زیادہ مقبول ہوتے ہیں۔

یہاں ہم ایسے رمضان اسپیشل ڈراموں کا ذکر کریں گے جو آپ اس رمضان المبارک میں دیکھ سکتے ہیں:

پرستان

گزشتہ سال رمضان المبارک میں دانش نواز کی ہدایت کاری میں بننے والا پراجیکٹ چپکے چپکے بہت زیادہ مقبول ہوا اور عوام کی بڑی تعداد نے اسے پسند کیا اور اس کی کہانی کو بھی خوب سراہا۔

اس رمضان المبارک میں دانش نواز ایک اورڈرامہ پیش کررہے ہیں جس کا نام پرستان ہے۔

پرستان میں ایمن سلیم اور ارسلان نصیر نے مرکزی کردار ادا کیا ہے بعدازاں ڈرامے کی کاسٹ میں جویریہ سعود، اسد صدیقی، نوین وقار، میرا سیٹھی، مورو، میروب علی، اور جمشید نیازشامل ہیں۔

ڈرامہ ہم ٹی وی پر یکم رمضان المبارک سے شام 7 بجے نشر کیا جائے گا۔

ہم تم

دانش نواز کی ہدایت کاری میں بنائے گئے ڈرامہ سیریل ہم تم کو صائمہ اکرم چوہدری نے تحریر کیا ہے جبکہ ڈرامے کی کاسٹ میں محمد احمد، ارجمند رحیم، عدنان جعفر، عظمیٰ بیگ اور منزہ عارف جیسے اداکار شامل ہیں۔

ہم تم ایک ہلکا پھلکا مزاحیہ ڈرامہ ہے جو کہ یکم رمضان المبارک سے پیر سے جمعے تک رات 9 بجے ہم ٹی وی پر نشر کیا جائے گا۔

یہ بھی پڑھیں:اشنا شاہ کا ‘سانولی رنگت’ پر تنقید کرنے والوں کو کرارا جواب

چوہدری اینڈ سنز

چوہدری اینڈ سنز کامیڈی، مزاح، رومانس اور سسپنس سے بھرپور فیملی ڈرامہ ہے جس میں عائزہ خان اور عمران اشرف اداکاری دکھائینگے۔

صائمہ اکرم چوہدری کی تحریر کردہ، چوہدری اینڈ سنز کی کہانی ایک عام پاکستانی گھرانے کے گرد گھومے گی۔

ڈرامہ یکم رمضان سے رات 9 بجے جیو ٹی وی پر نشر کیا جائے گا۔