عالمی برادری کورونا کی روک تھام کو اوّلین ترجیح دے۔اقوامِ متحدہ کا مطالبہ

جنیوا: اقوامِ متحدہ نے عالمی برادری سے کورونا کی روک تھام کو اوّلین ترجیح دیتے ہوئے کوویکس کو ویکسین کی فراہمی یقینی بنانے کا مطالبہ کیا ہے۔

سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ کورونا کی نئی قسم اومی کرون یہ سنگین یاد دہانی ہے کہ وائرس کی روک تھام ہر ملک کا سب سے اوّلین ایجنڈا ہونا چاہئے۔

یہ بھی پڑھیں:

پاکستان میں کورونا کے 4ہزار27 نئے کیسز رپورٹ، 9مزید شہری جاں بحق

ٹوئٹر پیغام میں جنرل سیکریٹری انتونیو گوتریس نے کہا کہ اقوامِ متحدہ کے پلیٹ فارم کوویکس کو تمام ممالک اور ویکسین بنانے والی تمام کمپنیوں سے ترجیحی بنیادوں پر ویکسین کی سپلائی کی ضرورت ہے تاکہ کورونا کی روک تھام ممکن بنائی جائے۔

Omicron is a grim reminder that stopping the pandemic anywhere must be at the top of the agenda everywhere.

We need all countries and all manufacturers to prioritize vaccine supply to COVAX and support the local production of tests, vaccines and treatments around the world.

— António Guterres (@antonioguterres) January 16, 2022

اقوامِ متحدہ کے جنرل سیکریٹری نے کہا کہ تمام ممالک کورونا کی تشخیص کیلئے مقامی سطح پر ٹیسٹنگ، ویکسین اور علاج کی دستیابی کو دنیا بھر میں یقینی بنائیں تاکہ اومی کرون کے نئے خدشات کے پیشِ نظر کورونا کے غلبے کو دور کیاجاسکے۔

خیال رہے کہ اس سے قبل پاکستان سمیت دنیا بھر میں کورونا کے کیسز میں بے پناہ اضافہ دیکھنے میں آیا۔ اومی کرون کی نئی قسم وائرس کے تیزی سے مزید پھیلاؤ کا باعث بن رہی ہے۔ پاکستان میں ایک روز میں 4 ہزار سے زائد کیسز رپورٹ ہوئے۔

گزشتہ 24 گھنٹوں کے دوران دنیا بھر میں کورونا کے 24 لاکھ سے زائد نئے کیسز سامنے آئے۔ 7 روز میں کیسز 2 کروڑ سے تجاوز کر گئے۔ وائرس سے سب سے زیادہ متاثرہ ملک امریکا میں کورونا کے 4لاکھ سے زائد نئے کیسز رپورٹ ہوئے۔