گوگل نیوز پر ہمیں فالو کریںمتحدہ عرب امارات (یو اے ای) کے ولی عہد شیخ محمد بن زاید النہیان آج پاکستان کا دورہ کریں گے جس کے دوران ان کی وزیر اعظم عمران خان سے ملاقات ہوگی۔
ایک روزہ سرکاری دورے کے دوران عرب امارات کے ڈپٹی سپریم کمانڈر شیخ محمد بن زاید النہیان وزیر اعظم عمران خان سے ملاقات کریں گے جس کے دوران پاک عرب امارات تعلقات پر گفتگو ہوگی۔
شہزادہ محمد بن زاید النہیان وزیر اعظم پاکستان عمران خان سے ملاقات کے دوران دونوں ممالک کے باہمی تعلقات کو وسعت دینے کے حوالے سے تبادلۂ خیال کریں گے۔ اس دوران باہمی دلچسپی کے امور پر بھی گفت و شنید ہوگی۔
ملاقات کے دوران وزیر اعظم عمران خان اور شیخ محمد بن زاید النہیان علاقائی و بین الاقوامی امور پر بھی بات چیت کریں گے جبکہ اس سے قبل عرب امارات کے وزیر ثقافت و ترقی شیخ نہیان بن مبارک پاکستان کا دورہ کرچکے ہیں۔
یاد رہے کہ اس سے قبل متحدہ عرب امارات کے وفاقی وزیر برائے ثقافت و ترقی شیخ نہیان بن مبارک نے وزیر اعظم عمران خان سے ملاقات کی جس کے دوران پاک متحدہ تعلقات سمیت باہمی دلچسپی کے امور پر گفتگو کی گئی۔
وزیر اعظم پاکستان عمران خان نے27 دسمبر کو وفاقی دارالحکومت اسلام آباد میں ہونے والی ملاقات کے دوران وزیر عرب امارات شیخ نہیان بن مبارک کے ساتھ ثقافتی معاملات پر بھی گفتگو کی۔
مزید پڑھیں: وزیرثقافت و ترقی شیخ نہیان بن مبارک کا دورۂ پاکستان
