جعفر ایکسپریس کی دو بوگیاں پٹری سے اتر گئیں، ڈرائیور نے ٹرین کو حادثے سے بچالیا

سکھر :راولپنڈی سے کوئٹہ جانے والی جعفر ایکسپریس ٹرین روہڑی اسٹیشن کے قریب خوفناک حادثے سے بال بال بچ گئی ، ڈرائیور نے حاضری دماغی سے کئی زندگیاں بچالیں۔

روہڑی اسٹیشن سے رونگی کے فوری بعد جعفر ایکسپریس کی دو بوگیاں پٹڑی سے اتر گئیں جس کے باعث روہڑی اسٹیشن پر اپ ٹریک بلاک ھوگیا اور کراچی سے لاہور اورراولپنڈی جانے والی متعدد ٹرینیں تاخیر کا شکار ھوگئیں۔

ریلوے ذرائع کے مطابق حادثہ آج صبح تقریباً 5بجکر 30 منٹ پر اس وقت ھوا جب گاڑی روہڑی اسٹیشن سے روانہ ھو رہی تھی روانگی کے وقت ٹرین کی رفتار انتہائی کم تھی جس کے باعث ڈرائیور کی حاضر دماغی سے ٹرین کو بڑے حادثے سے بچا لیا گیا۔

ذرائع کا کہنا ہے کہ اگر یہ واقعہ ٹرین کی تیز رفتاری کے وقت رونما ہوتا تو خوفناک انسانی جانوں کےساتھ ساتھ مالی نقصان بھی ھوسکتا تھا۔

حادثے کی اطلاع ملتے ہی ریلوے کے اعلیٰ حکام موقع پر پہنچ گئے اور خصوصی ریلیف ٹرین طلب کرلی گئی۔

مزید پڑھیں: اندرونِ ملک سے کراچی آنے والی ٹرینیں 2 سے 4 گھنٹے تاخیر کا شکار، مسافر پریشان

واضح رہے کہ گزشتہ کچھ عرصہ سے ملک میں ٹرینوں کے حادثات بڑھ چکے ہیں جس میں درجنوں انسانی زندگیاں ضائع ہونے کے علاوہ بھاری مالی نقصان بھی ہوچکا ہے۔