گوگل نیوز پر ہمیں فالو کریںاسلام آباد: پاکستان مسلم لیگ (ن) کے رہنما اور سابق وزیر دفاع خواجہ محمد آصف نے کہا ہے کہ تحریک طالبان پاکستان (ٹی ٹی پی) کابل کی اتحادی ہے، افغان سرزمین پاکستان کے خلاف دہشت گردی کے لیے استعمال ہو رہی ہے۔
سابق وزیر دفاع خواجہ آصف کا ٹوئٹر پر ٹوئٹ کرتے ہوئے کہنا تھا کہ افغانستان کے مسائل صرف مریضوں کی آمدورفت اور تجارت تک محدود نہیں ہیں، مسائل سنگین نوعیت کے ہیں۔
خواجہ آصف نے کہا کہ سب سے اہم مسئلہ پاکستان کے خلاف دہشت گردی کے لیے افغان سرزمین کا استعمال ہے۔
افغانستان کیساتھ مسائل مریضوں کی آمد و رفت اور تجارت تک محدود نہیں۔ مسائل بہت سیریس نوعیت کے ھیں اور اسوقت سر فہرست افغان سرزمین کا پاکستان کیخلاف دھشت گردی کیلئے استعما ل ھے۔ TTP کابل کی اتحادی ھے۔ اور برادر ھمسایہ ھونے کے ناطے افغانستان کا فرض ھے کہ وہ امن کی ضمانت اور فروغ… https://t.co/DGbAlbLMsr
— Khawaja M. Asif (@KhawajaMAsif) September 15, 2023
سابق وفاقی وزیر نے مزید کہا کہ برادر ہمسایہ ہونے کے ناطے افغانستان کا فرض ہے کہ وہ امن کی ضمانت اور فروغ دے، انہوں نے مزید کہا کہ خیر سگالی اور نیک خواہشات یکطرفہ نہیں ہو سکتیں۔
مزید پڑھیں:پی ڈی ایم حکومت کی جانب سے کی گئی نیب ترامیم کالعدم قرار
وہ کہتے رہے کہ دہشت گرد مریضوں کے علاج کے بھیس میں پاکستان آ رہے ہیں۔ پاکستانی افواج اور عام شہری شہید ہو رہے ہیں۔ تمام پس منظر سے پردہ اٹھانے اور سامنے رکھنے کی ضرورت ہے۔
