گوگل نیوز پر ہمیں فالو کریںجھگڑالو شوہر سے تنگ بیوی نے قرض وصول کرنے کے لیے گھر آنے والے ایجنٹ سے ہی شادی کرلی۔
بھارتی میڈیا کے مطابق یہ انوکھا واقعہ ریاست بہار میں پیش آیا جہاں ایک خاتون نے اپنے شرابی اور جھگڑالو شوہر سے جان چھڑالی۔
خاتون نے شوہر کے لیے گئے قرض کی وصولی کے لیے گھر آنے والے ایجنٹ کو اپنی دکھ بھری داستان سنائی جس پر اسے رحم آگیا۔
اندرا کماری اور پون کمار کے درمیان ہونے والی ملاقاتیں محبت میں تبدیل ہوگئی اور دونوں نے شادی کرنے کی ٹھان لی۔
View this post on Instagram
صحیح موقع دیکھ کر دونوں مغربی بنگال فرار ہوگئے جہاں دو روز قبل ایک مندر میں شادی کے بندھن میں بندھ گئے۔
پہلے شوہر نکھل شرما کو پتا چلا تو وہ لڑنے جھگڑنے مغربی بنگال پہنچا تاہم وہاں جوڑے نے پولیس میں تحفظ کی درخواست پہلے ہی سے جمع کرا رکھی تھی۔
خاتون نے پولیس کو بتایا کہ ان کی شادی نکھل سے دو سال قبل ہوئی تھی لیکن اس نے سوائے مارپیٹ اور لڑائی جھگڑے کے کچھ نہیں دیا۔
پولیس نے خاتون کے پہلے شوہر نکھل کو یہ کہہ کر واپس بھیج دیا، جب خاتون تمھارے ساتھ رہنے کو تیار نہیں تو زبردستی نہیں کی جا سکتی۔
