گوگل نیوز پر ہمیں فالو کریںکراچی کے علاقے پورٹ قاسم کے قریب فائرنگ کے واقعے میں 3 افراد جان کی بازی ہار گئے جبکہ 2 شدید زخمی ہوگئے۔ واقعے کی وڈیو سوشل میڈیا پر وائرل ہوگئی۔
ابتدائی اطلاعات کے مطابق پورٹ قاسم چورنگی کے قریب پیش آنے والے فائرنگ کے واقعے میں 3 افراد جاں بحق جبکہ 2 شدید زخمی ہو گئے۔
ریسکیو ذرائع کے مطابق جاں بحق افراد کی لاشیں اور زخمیوں کو فوری طور پر جناح اسپتال منتقل کردیا گیاہے۔
ریسکیو حکام کا کہنا ہے کہ جاں بحق اور زخمی ہونے والے افراد کی شناخت تاحال نہیں ہو سکی۔
پولیس ذرائع نے بتایا کہ ابتدائی تحقیقات کے مطابق فائرنگ کا واقعہ ذاتی دشمنی کا نتیجہ معلوم ہوتا ہے۔
