گوگل نیوز پر ہمیں فالو کریںبارسلونا : یوم آزادی کی تقریبات کے موقع پر اسپین میں گھر میں لگنے والی آگ کے نتیجے میں 3 پاکستانی نوجوان ہلاک ہوگئے جبکہ 4 افراد زخمی ہوئے۔
ذرائع کے مطابق بارسلونا میں بیٹری چارج کرتے وقت شارٹ سرکٹ کے باعث دھماکے اور آگ لگ گئی جس نے مکان کو اپنی لپیٹ میں لے لیا۔ آگ سے مکان کے مکین شدید متاثر ہوئے۔
ہلاک ہونے والوں میں پاکستان کے شہرگوجرانوالہ سے تعلق رکھنے والا 22 سالہ سرفراز ، 24 سالہ مظہر اور 33 سالہ ابو سفیان شامل ہیں۔
حادثے میں شدید زخمی ہونے والے قمر سلیم کو فوری طور پر قریبی اسپتال منتقل کیا گیا جبکہ فیصل سلیم ، قدیر اور عمران بیگ معمولی زخمی ہوگئے۔
واقعے کے فورا بعد ہی پولیس اور فائر بریگیڈ کی گاڑیاں موقع پر پہنچ گئیں جبکہ پولیس نے واقعے کی تحقیقات شروع کردی۔
مزید پڑھیں :پاکستان کو اسلامی فلاحی ریاست بناکردم لیں گے،وزیراعظم عمران خان
