گوگل نیوز پر ہمیں فالو کریںکراچی: محکمہ داخلہ سندھ نے شادی کی انڈور اور آؤٹ ڈور تقریبات پر مکمل پابندی عائد کرنے کا نوٹیفکیشن جاری کردیا۔ سندھ بھر میں کاروباری مراکز صبح 6 بجے سے رات 8 بجے تک کھلیں گے۔
محکمہ داخلہ سندھ کی جانب سے جاری ہونے والے نوٹیفکیشن کے مطابق دفاتر اور عوامی مقامات پر ماسک پہننا لازمی قرار دیا گیا ہے، خلاف ورزی کرنے والے کے خلاف قانون کے مطابق کارروائی عمل میں لائی جائے گی۔
محکمہ داخلہ سندھ کے مطابق پبلک ٹرانسپورت پر 50 فیصد مسافروں کو بیٹھنے کی اجازت ہو گی، اگر کوئی ٹرانسپورٹر ایس او پیز کی خلاف ورزی کرے گا تو اس کی گاڑی بند کردی جائے گی۔
نوٹیفکیشن کے مطابق ریسٹورنٹ میں رات دس بجے تک ٹیک اوے اور آؤٹ ڈور ڈائننگ کی اجازت ہو گی جبکہ کراچی سمیت سندھ بھر میں ریسٹورنٹ کے اندر کھانے پر پابندی ہو گی۔ نجی اور سرکاری اداروں میں آدھا عملہ رکھنے کی ہدایت کی گئی ہے۔
جلسے اور جلوسوں سمیت سماجی تقریبات پر مکمل پابندی ہو گی ۔ محکمہ داخلہ سندھ نے کرونا ایس او پیز کے حوالے سے صوبے میں نئی پابندیوں کا اطلاق کردیا نئی پابندیوں کا اطلاق 11 اپریل تک نافذ العمل رہے گا۔
یہ بھی پڑھیں : پاکستان اسٹاک مارکیٹ میں غیر یقینی صورتحال کے باعث 96.82 پوائنٹس کی تیزی
