گوگل نیوز پر ہمیں فالو کریںکراچی: شہر قائد میں ڈیفنس دودریا کے مقام پر ریسٹورینٹ منہدم ہوگیا۔ گزشتہ رات پانی کا بہاؤ زیادہ ہونے کی وجہ سے ریسٹورینٹ کی بنیادیں کمزور ہوگئیں اور لکڑی سے بنے ریسٹورینٹ کی دیواریں اور کچھ حصے سمندر میں گر پڑے۔
پولیس اور دیگر حکام نے جائے حادثہ پر پہنچ کر کارروائیاں شروع کردیں، اس سے قبل موقع پر موجود شہریوں نے نیچے گرنے والے افراد کو لکڑیوں کے نیچے سے نکالا۔حادثے کے بعد پولیس نے ریسٹورینٹ کے مقام پر رکاوٹیں لگادیں۔
اس واقعے کے پیش نظر ڈپٹی کمشنر جنوبی تبریز صادق مری کی احکامات پر ایڈیشنل ڈپٹی کمشنر 2 اور اسسٹنٹ کمشنرز سول لائن نے دو دریا کے تمام ریسٹورنٹس کا وہ حصہ جو سمندر کے کنارے (پانی کی اوپر) واقع ہے وہ سیل کردیا ہے،تاکہ کسی بھی ممکنہ جانے نقصان سے محفوظ رہا جا سکے۔
ڈپٹی کمشنر جنوبی کی ہدایت پر ایڈیشنل ڈپٹی کمشنر 2 سمیع اللہ نے کارروائی کرتے ہوئے کولاچی، کباب جیز،الحبیب، السجاد، چارکول ریسٹورنٹس کو سیل کردیا ہے۔
مزید پڑھیں:کراچی، دو دریا پر قائم پرانا ریسٹورینٹ گر پڑا
