نیشنل بینک آف پاکستان نے اپنی کامیابی کے ستر سال مکمل کر لئے

کراچی:نیشنل بینک آف پاکستان کامیابی کی جانب ایک اور قدم آگے بڑھ گیا،نیشنل بینک آف پاکستان نے اپنی کامیابی کے ستر سال مکمل کر لئے ہیں۔

صدر این بی پی بینک عارف عثمانی نے کہا ہے کہ نیشنل بینک کا شمار پاکستان کے نمبر ون بینک میں ہوتا ہے ، ہمارا بینک ملکی معیشت میں ریڑھ کی ہڈی کا کردار ادا کر رہا ہے۔

ستر سال مکمل ہونے کی خوشی میں این بی پی بینک کے ہیڈ آفس میں رنگا رنگ تقریب کا انعقاد کیاگیا،جس میں مختلف شخصیات نے شرکت کی۔منعقدہ تقریب میں نیشل بینک آف پاکستان کے صدر و ملازمین نے نہ صرف کیک کاٹ کر خوشی کا اظہار کیا بلکہ یک زباں ہوکر قومی ترانہ بھی پڑھا۔

مزید پڑھیں :مہنگائی 4سال بعد اپنے ہدف سے زیادہ رہی،اسٹیٹ بینک کی معاشی رپورٹ

تقریب سے خطاب کرتے ہوئے صدر نیشنل بینک آف پاکستان عارف عثمانی نے کہا کہ نیشنل بینک کی تاریخ کا کوئی مقابلہ نہیں ، نیشنل بینک ملکی معیشت میں ریڑھ کی ہڈی کا کردار ادا کررہا ہے۔

انہوں نے کہاکہ میں اکیلا چلا تھا جانب منزل مگر ، لوگ ساتھ آتے گئے اور کارواں بنتا گیا ، ستر سال مکمل ہونے کی خوشی میں این بی پی بینک کے ہیڈ آفس کو دلہن کی طرح سجایا گیا، تقریب میں اسنوکر چیمپئن محمد آصف اور سابق ٹیسٹ کرکٹر اقبال قاسم نے بھی شرکت کی۔