گوگل نیوز پر ہمیں فالو کریںپاکستان کی سب سے زیادہ کمائی کرنے والی فلم “دی لیجنڈ آف مولا جٹ” اس سال اکتوبر میں ہندوستانی سینما گھروں میں ریلیز ہونے والی ہے۔
ہدایت کار بلال لاشاری اور اداکارہ ماہرہ خان نے اپنے انسٹاگرام ہینڈل پر دلچسپ خبر شیئر کرتے ہوئے بتایا کہ بھارتی پنجاب میں بدھ 2 اکتوبر کو ریلیز ہو رہی ہے۔
2022 میں ریلیز ہونے والی اس فلم نے عالمی سطح پر ڈیبیو کیا تھا اور یہ ریکارڈ سب سے زیادہ کمانے والی پاکستانی اور پنجابی زبان کی فلم کے طور پر برقرار ہے۔ یہ یونس ملک کی 1979 کی کلاسک “مولا جٹ” کا ریبوٹ ہے۔
یہ کہانی ہیرو مولا جٹ کی افسانوی دشمنی کی پیروی کرتی ہے، جس کا کردار فواد خان نے ادا کیا ہے اور نوری نت کا کردار حمزہ علی عباسی نے ادا کیا ہے، جو ایک بدنام زمانہ گینگ کے بے رحم لیڈر ہیں۔ ماہرہ خان نے مکھو کا کردار ادا کیاجو کہ ایک دیہاتی عورت اور مولا جٹ سے پیار کرتی ہے۔
2016 کے اڑی دہشت گردانہ حملے کے بعد ہندوستان میں پاکستانی فنکاروں پر پابندی کے بعدفلم کی بھارت میں ریلیز کو اہم قرار دیا جارہا ہے۔نومبر 2023 میں سپریم کورٹ نے پاکستانی فنکاروں کے بھارت میں پرفارم کرنے یا کام کرنے پر مکمل پابندی لگانے کی درخواست کو مسترد کر دیا تھا جس سے اس تاریخی ریلیز کی راہ ہموار ہوئی۔
