رنگ آف فائر، رواں برس کا دوسرا اور آخری سورج گرہن آج ہوگا

ماہرین کا کہنا ہے کہ رواں برس کا دوسرا اور آخری سورج گرہن آج 14 اکتوبر کو ہوگا جسے مختلف ممالک میں دیکھا جاسکے گا۔

تفصیلات کے مطابق رواں برس کے آخری سورج گرہن کو تکنیکی اعتبار سے “رِنگ آف فائر“ قرار دیا گیا ہے کیونکہ گرہن کیلئے چاند کا سایہ سورج کو مکمل طور پر ڈھانپنے سے قاصر رہے گا اور سورج کا بیرونی حصہ انگوٹھی کی طرح نظر آئے گا۔

سورج گرہن، پاکستان میں کہیں اندھیرا تو کہیں جزوی روشنی

محکمۂ موسمیات نے پیشگوئی کی ہے کہ رواں سال کا آخری سورج گرہن پاکستان میں نہیں دیکھا جاسکتا جبکہ سورج گرہن کا نظارہ برازیل، کولمبیا، وسطی امریکا کے مختلف ممالک اور میکسیکو میں کیا جاسکے گا۔

اس حوالے سے ماہرین کا کہنا ہے کہ پاکستان کے معیاری وقت کے مطابق رات 8بج کر 4 منٹ پر سورج گرہن شروع ہوگا  جو 10بج کر 59 منٹ تک عروج پر پہنچے گا اور 15اکتوبر کو رات 1بج کر 55 منٹ پر اختتام پذیر ہوگا۔ 

خیال رہے کہ گزشتہ برس پاکستان سمیت مختلف ممالک میں اکتوبر کے دوران ہی سال کے دوسرے اور آخری سورج گرہن کا آغاز ہوا، یہ جزوی گرہن پاکستان میں دوپہر 1بج کر 58 منٹ پر شروع ہوا جس کا اختتام شام 6 بج کر 2 منٹ پر ہوا تھا۔

پاکستان کے مختلف شہروں میں سورج گرہن کے مناظر دیکھے گئے، ملک میں کہیں اندھیرے کا راج رہا تو کہیں جزوی گرہن لگا۔ماہرینِ فلکیات کے مطابق جزوی سورج گرہن پاکستان کے علاوہ ایشیا اور یورپ میں بھی دیکھا گیا۔