پمز ہسپتال میں پاکستان کے پہلے پبلک سیکٹر کینسر ہسپتال کا سنگ بنیاد رکھ دیا گیا

مقبول خبریں

کالمز

"Conspiracies of the Elites Exposed!"
سرمایہ داروں کی خوشحالی، عوام کی غربت، پاکستان کی معیشت کا کھلا تضاد
Munir-Ahmed-OPED-750x750-1
پرتگال اور پاکستان کے درمیان 75 سالہ خوشگوار سفارتی تعلقات
Munir-Ahmed-OPED-750x750-1
دھوکا دہی کے بدلے امن انعام؟

موسم

قیمتیں

ٹرانسپورٹ

اسلام آباد: ملک کے پہلے پبلک سیکٹر کینسر ہسپتال کا سنگ بنیاد رکھ دیا گیا جس پر 10 ارب 80 کروڑ روپے لاگت آئے گی اور یہ منصوبہ جون 2025 میں مکمل ہوگا۔

یہ کینسر ہسپتال پاکستان انسٹی ٹیوٹ آف میڈیکل سائنسز (پمز) میں تعمیر کیا جارہا ہے۔ 200 بستروں پر مشتمل چار منزلہ ہسپتال میں 49 ہزار مربع فٹ کا تہہ خانہ بھی ہوگا، اس عمارت میں آؤٹ پیشنٹ ڈپارٹمنٹ (او پی ڈی)، ایمرجنسی، مرد و خواتین کے وارڈ، گائنی وارڈ، بلڈ کینسر وارڈ اور کئی دیگر شعبے ہوں گے۔

پبلک ہیلتھ میں پی ایچ ڈی کرنے والی پروجیکٹ ڈائریکٹر ڈاکٹر عائشہ عیسانی نے کہا کہ اس منصوبے کی مجموعی لاگت 10 ارب 80 کروڑ روپے سے زائد ہے جس میں سے 3 ارب 40 کروڑ روپے عمارت کی تعمیر پر خرچ ہوں گے اور باقی 7 ارب 40 کروڑ روپے آلات کی خریداری پر خرچ کیے جائیں گے۔

یہ بھی پڑھیں:

اونچی ہیل کینسر کا سبب بھی بن سکتی ہے، رپورٹ

انہوں نے کہا کہ یہ ہسپتال برن سینٹر کے قریب تعمیر کیا جائے گا، یہ پاکستان کا پہلا پبلک سیکٹر کینسر ہسپتال ہوگا، اس منصوبے کو سنٹرل ڈویلپمنٹ ورکنگ پارٹی (سی ڈی ڈبلیو پی) نے رواں سال فروری میں منظور کیا تھا اور اس کی تعمیر شروع کردی گئی ہے۔

ڈاکٹر عائشہ عیسانی نے کہا کہ وزیر صحت عبدالقادر پٹیل اور ان کی ٹیم اس منصوبے کے خواب کو پاکستانی عوام کے لیے حقیقت میں بدلنے کے اقدام کی مکمل حمایت کرتی ہے، اس کے علاوہ وزیر منصوبہ بندی اور ترقی احسن اقبال کی جانب سے بھی اس سلسلے میں بھرپور تعاون کیا جارہا ہے، انہوں نے کہا کہ ہسپتال کی توسیع کے لیے بھی انتظام کیا جائے گا۔

انہوں نے کہا کہ ہسپتال میں ریڈیولاجی، پیتھالوجی، آنکوسرجری، میڈیکل آنکولوجی، آئی سی یو، کینسر کے مریضوں کی ہنگامی نگہداشت، جینیات اور تحقیق سمیت کینسر کے علاج کی جامع سہولیات شامل ہوں گی۔

Related Posts